[size=2]之後,我係離開佢屋企既途中見到雪玲,我諗佢係去呀狼屋企食晚飯...

「hihi」雪玲首先出聲

「hi...」見佢對我打招呼,我只好回應佢...

「係呢,可唔可以同你傾下?」

「好呀...」撞鬼囉!今日咁多人搵我既!?

「你既事,我聽過呀狼講,居然要你做佢女朋友...太委屈你...呀狼既脾氣我最清楚,佢只係對我一個好...」

「哦...」

「你放心啦,以後我係度,你就唔洗做佢既假女朋友,五姐既事就交比我啦!」

「最...最好啦!咁冇野我走先。」

為左唔會係佢面先喊出黎,所以我好快咁跑走左...

我好驚...我好驚我唔洗再扮佢女朋友,

我同佢就再冇關連,到時佢就會慢忘記我...

天空,突然落起雨,就好似我既心情一樣... [/size]

快 d p0st 多d
超 好 睇 囉 xd ``
p0st p0st p0st ``

超好睇牙
快D POST LA
想知子怡最後點牙
THX FOR SHARE
快D POST LA

十卜...十卜..

十卜．．．．十卜∼ｐｏｓｔ　ｌａ∼

[size=2]「過兩日就係男女混合排球賽,每派出五位同學參加,參加既人寫名落參加紙度...」

一如以往,親愛既老師一講完就好快咁走左...

「子怡,一齊參加呀!」小月即刻走左過黎問

「咁...」打排我只係試過一,兩次咋...

「好啦＞３＜」

「咁...好啦」

「加油。」係我身旁既呀風出聲

「嗯!!」

話咁快就到左男女混合排球賽既日子...

「點解3b班得你一個既?」

「因為...我個朋友肚痛...」

死小月!都唔知係唔係玩我!叫我參加,自己就肚痛...

「咁...一係認輸,一係就照打。」

點都得!就係叫我認輸唔得!我咁大個都未試過認輸!

「五比一咪五比一!我照打!」

車!將個波打過去姐!有幾難!

「好!咁開場!」

為左唔比3b班衰人睇死,我一定要贏!

「3b開始發球!」

好!一野殺個球過去就ok啦!

「呯!」

個個呆晒...因為我一開球就打到人暈左...

「哈...哈哈...對唔住,大力左少少＝▽＝”」

之後,對面d人一個一個咁暈晒,睇比賽既人就呆晒,

直到最後得一對一...

「我認輸!唔玩啦!」對方首先出聲

「點解唔玩?幾好玩呀!」講真排球都幾好玩!

「你當然好玩啦!但係我愛惜生命!」

「－　－(無奈)」

「咁...3b贏...」

呆左既老師終於出聲

之後個幾場都係咁,聽講醫療室爆棚,有d人要係走廊訓,

而我!?當然贏左啦!

仲變到個個都識...

係走廊...

「我有野同你講...」係呀狼...

「我知!你女朋友返左黎,我唔洗扮你女朋友呀~係唔係?」

「你聽我講...」

「我去洗手間呀!有咩遲d講」

就係咁,我打斷佢既說話就走左 [/size]

牙狼想同子怡講咩呀 " ?
十卜梨呀*=]]

講左d 咩牙!??
超想睇牙!!
p0st!!

呀狼佢想講咩呀???
快D post呀...好好睇呀,,,,

繼 續 P0 =0=
好 睇 呢 ``
SUP 你 `
下 次 P0 多 D 喇 !

怏D po~~~~

超好睇~~~~~~~~~~

求下你快D po!!!!!!!!

趕~~~~~

幫佢POST埋..
放學啦!有得返屋企訓覺覺＞ｗ＜

咦!?☉ ☉"門口個班咪係上次搵嘉琪班男仔!!

但今次...好多人喎...

點解成日都有咁多人找我麻煩嫁ˋ口ˊ

好!佢地想打咪打!睇下邊個怕邊個!

「哈哈!今日咁多人迎接本小姐放學呀!」

「打我手下,蝦我個妹既,就係你呀!?好大本事喎」

對方既老大都出聲

「唔敢當唔敢當＝▽＝!我都係出左發左少少功姐,冇你講得咁勁」

「好!就睇下你今日點!兄弟上!」

-----------------------------------------------------------
「呀狼呀風!子怡出左事!」睇到咁多人搵子怡,呀雄即刻搵佢地

一聽到子怡出事呀狼同呀風即刻跑左出去...

一出到門口...

所有人訓低晒,得返子怡同個老大

兩人即刻鬆一口氣...

「我睇上左你。」

個大老首先出聲

「???」

子怡聽唔明佢講咩

「我叫呀龍,我想你做我女朋友」

「＝▽＝我諗你一定係嚇傻左」

「我會再黎搵你,再見」

之後呀龍就帶晒d人走...

「你地係度既?」

子怡現在先發現佢地

「冇野...」

兩個人都好無奈

「咁我走啦＠ｗ＠再見」

之後就返左屋企...

[size=3]今日一如已往,一起身接招,然後咬住多士跑返學...

只係唔同既係,我遲到!!!

☉﹏☉咦!?入緊黎個個咪呀狼!?

哈哈＝▽＝佢都有今日啦

「你係度做咩呀?」

佢個白痴一定係唔知遲到要罰企＝　＝

「你睇唔到我罰企緊咩!遲到要罰企呀!＞口＜」

「唉!咪理佢啦!走啦!」

之後佢仲強行拉左我走...

「今日...放學有籃球比賽...」

「我知...同第二間學校個埸比賽...咁又點?」

「我會出賽。」

「你係籃球隊隊員?」

平時都冇聽佢提過

「係,只係我平時唔係成日去練波。」

「哦...」

「你會唔會黎睇?」

「我黎唔黎好重要咩?」

「係。」

「咁好...我黎。」
平平無奇既上課時間又結束啦,

跟住就係個個都好期待既籃球比賽...

「子怡!行快d啦!比賽開始啦!」

講野既就係拉緊我行既小月

「得啦得啦~」

終於,我地到左籃球場。

比賽剛好開始,呀狼好快搶左個球,帶住個球去左對方既籃底一射---

「藍風中學一分!」

好圍既人聽到球証既說話都好開心。

之後呀狼不停進攻,拿到好多分...

上半場我地贏左!但多數都係呀狼射入得分!

唔怪得成日唔去練波都可以打比賽

中場休息,呀狼走左黎搵我...

「你今日有冇帶水?」

流晒汗既呀狼走過黎問我...

好有型...

「有呀!係呢度。」

我將我剛剛飲左半枝既水拿高比佢睇

點知佢搶左我枝水,仲講左一句唔該...

奇怪!?做咩同我講唔該!?

☉口☉"佢佢佢...飲緊我枝水...

姐係我地間接性接...接吻!?

Oh My 吉＞口＜”

點知睇到既雪玲即刻走左過黎...

「呀狼,我幫你抹汗呀」

「唔...唔洗啦」

「唔緊要啦!」

雪玲好細心呀,毛巾都帶左比呀狼...

而我呢!?唉... [/size]

跟住點呀??
怏D poat 呀...^^

[size=3]下半埸開始啦,開始左冇耐,

呀狼就搶左個波,當佢跳起射波既時候---

佢比對方既籃球員一撞撞左落地,

隻腳仲傷左...

比賽停止左,所有人都圍住晒呀狼,

但大家都唔知點做咁,只係係咁問佢點,煩到死...

「讓開!!!」子怡忍唔住大聲嗌左一聲,其他人都靜晒,讓開左條路...

子怡將佢隻手放係自己肩頭上,用手扶住佢,而自己既身支撐起呀狼去醫療室...

到左醫療室...

「你地放心啦,佢隻腳休息一,兩日冇事嫁啦。」醫療室既老師對住我同雪玲講完就走左。

「子怡,頭先唔該晒你,現在我照顧呀狼就得啦,放心啦。」雪玲同我講。

「咁...好...」當我想離開醫療室...

「子怡!唔好走!」出聲既係呀狼

「做咩?」我好唔想睇住佢地一齊...

「雪玲,我唔想傷害你,但我鍾意既係子怡!」

「呀狼...你唔係好愛我...」雪玲好傷心咁...

「對唔住!」呀狼講完之後拉住子怡走左...

只係留下呆左既雪玲...

「子怡,可唔可以做我女朋友?」

「可以可以可以可以一百個可以＞▽＜」

之後呀狼就錫左子怡啦!
---------------------------------------------
之後個幾日好開心呀!＞﹏＜

呀狼仲對我好好＞ｕ＜

直到一日... [/size]

[size=3]直到一日...

「子怡,你係天台等我呀,我好快黎。」

「好呀!」之後我去左天台...

我見到雪玲...佢個樣睇起黎喊左好多次...

跟住佢喊住咁走過黎...

「子怡!求下你比返呀狼我呀,我唔可以冇左佢!」

「你唔好咁啦!」佢真係好慘...

跟住呀狼上左黎,睇到我地拉拉扯扯...

雪玲一見到呀狼上左黎,佢同我講

「子怡!我會放棄呀狼啦!你唔好再打我...」

點...點解佢要咁講,我都冇做過!

呀狼聽到,即刻好惡咁問我

「子怡你做咩呀!?」

我從來冇諗過佢會為左佢對我咁惡...

「反正現在我講咩你都唔會信嫁啦!」

「同佢道歉!」

「我冇做錯!我唔道歉!」

「我終於睇清楚你!」之後佢帶住雪玲走左

原本晴朗既天,突然下起雨黎,

就好似我既心情一樣...

「你做咩喊成咁?」

呀風係天台遇到子怡

「借個肩頭黎,一陣就得啦...」

子怡都只係一個普通女仔,係呢個時候好需要人安慰...

呀風冇講野,只係默默咁企係子怡身邊黎安慰...

雨,不停打落係佢地身上...

另一方面...

「雪玲,對唔住,你有冇事?子怡佢...」呀狼對眼睛通紅既雪玲講

「我...我冇事,你唔好怪子怡,佢...」

「你唔洗幫佢!佢做錯仲唔道歉!」

「呀狼...唔好咁...」

「你係我從細識到大既好朋友,我唔會比人蝦你!」

「呀狼,多謝你....」

雪玲既嘴唇露出一個陰森既笑容... [/size]

[size=3]返到屋企,子怡將一張佢前兩日幫呀狼影既相拿出黎,貼係沙包上面打...

打左一陣,佢攬住個沙包跪左係度喊...

「點解...點解唔信我...」滿面淚痕既子怡不停問...

雨冇停過,反而越來越大...

--------------------------------------------------------
又係落雨天。

可以係因為落雨既關係,今日提唔起精神返學...

但係我唔可以唔返!因為我唔返就姐係怕左佢...

我唔可以輸比雪玲睇!

所以我如常返學,但整個早上都係課室訓教...

直到食午飯既時候,我去左洗手間,

當我去完洗手間想出黎既時候,度門開唔到!

燈都比人熄左!我好驚＞　＜,我從細到大都好怕黑,所以我心急起黎

「啪!」一野踢爆左度門

唉!唔理度門啦,快d走!

之後係走廊行行下見到雪玲,本來我想行過唔理佢,但佢企左係我面前。

「哈!咁快出左黎啦!」佢笑住咁同我講

「你點知...」佢點知我頭先出唔到黎!?

「唔怕同你講,呢件事係我做既,但點呀?都冇人信你啦!」

「係點解要咁做!」

「因為我討厭你!我樣樣都比你好,你憑咩同我爭!?」

我真係我好嬲!我一拳打左佢塊面旁邊既牆上,

佢比我嚇左一嚇,面都白晒。

「我一定會...雙倍還比你!」

之後我就走左...
有冇興趣去吹吹風?」企左係門口既呀龍同我講

「好!」反正我真係想去行下,最近太多事發生啦!

「ok!上車!」呀龍坐黎既,係一架好有型既電單車。

之後佢車左我去一個好遠既海灘...

「好靚呀＞▽＜」呢個時候正好係黃昏,睇起上黎好靚...

「鍾意嗎?」

「鍾意＞ｗ＜」

「可唔可以做我女朋友?」

我呆左一呆,因為我之前以為佢講笑...

「點解搵我?」

「三年前,我係道場學空手道,而你係我既對手,你比我細一年,但次次都係你贏...」

「你黎尋仇?」

呀龍搖頭繼續講

「當時既你不斷教我,而我就係個時鍾意左你。」

「鍾意我?」

「嗯。為左你,我不斷努力去變得更強。」

「我...」

「你唔洗即刻答我,我會再搵你。無論答案係點都唔緊要。」

「喔...」

「夜啦,我車你返屋企啦。」

「好。」 [/size]

[size=3]今日校長同我地講女洗手間度門爆,

唉∼都唔知邊個咁衰整爆度門!身為學生應該愛惜學校既野呀!＜＜＜（完全唔記得晒琴日佢自己整爆度門件事）

去到走廊...天呀!又係雪玲!又左住我行,佢想點呀!

唔想再理佢,當睇唔到...

就係子怡行過既呢一下,子怡既肩膀撞到雪玲既肩膀,

雪玲跌左係地下...

子怡都呆左,因為而佢頭先既力度跟本冇可能將一個人撞到跌落地下...

「發生咩事?」呢個時候既呀狼係人群中行左出黎,仲睇到跌倒係地上喊緊既雪玲...

「我頭先睇到係子怡撞跌佢嫁!」雪玲個朋友出聲...

「點解咁做!道歉!」呀狼好大聲咁同我講...

「我冇做!我唔道歉!」

我就忍唔住...忍唔住喊出黎既時候...

突然有隻手拉左我入佢既胸前,好溫暖...令我好安心...

「我信佢,佢唔係d咁既人。」

原本...係呀風...

如果...我鍾意既,係佢就好啦...

「子怡我地走。」

之後呀風就帶左我走... [/size]

[size=3]天台....

「頭先..唔該你...」

「唔洗。」

之後我地大家都冇講野,只係感受對方既呼吸...

「唔好擔心,我會保護你。」

呀風真係好明白我,每次冇問題佢都會幫我解決...

「嗯,謝謝你。」

「落返去啦。」

「好」

之後我地就一齊落左去...

「子怡,我有野同你講。」

出聲既係呀狼。

「好。」

之後我地行左上天台...

「點解你要對雪玲做d咁既野?」

「我冇做過d咩野。」

「咁點解佢會咁呀!?」

佢好大聲咁問我

「我唔知我唔知呀!點解你唔信我!?」

我已經忍唔住喊左出黎...

「我...對唔住呀,唔好喊啦...」

雪玲都成日喊,但呀狼從來冇咩感覺,

而一見到子怡喊,佢就覺得好心痛...

所以佢攬住左子怡

「我一定搞清楚佢。」 [/size]

[size=3]我才發現我比想像中愛你

只是一時不小心錯過了你

每到夜深人靜我清晰地分析我自己

還是不可否認地

我比想像中愛你---《SHE-我比想像中愛你》

聽住呢首歌,發現好似我既心情...

的確,我都唔知我幾時開始咁鍾意佢

比我想像中更加愛佢...

可惜,上天比我既機會已經錯過左...

我唔恨雪玲既突然出現,我恨既係我自己冇早D講比佢知自己既心情...

如今,一切都冇辦法返頭...

維有一直錯落去...

雪玲回報復手段仲未停...

就係小息既其間...

「呀＞口＜」

正想落留樓梯既子怡比人推---成個人跌左落樓梯

好彩比呀狼同呀風行過,呀狼上前接住左...

「嚇死我啦!仲以為死硬呀!我仲睇到死左既婆婆向我揮手呀。廿。"」

拍完劫後餘生既子怡,望返轉頭睇下發生咩事---

只係睇到面青青既雪玲...

「呀狼,聽我講...」

「唔洗講啦,原來之前既野都係你做既!」

「呀狼!唔係呀,我...」

「我唔想聽你講野!」

之後呀狼對我講...

「對唔住...可唔可以原諒我,做我女朋友?」

我真係唔知點好,我個心好亂,如果今日唔係比呀狼睇到,佢會唔會信我?

就係呢個時間,呀風一野拉左我過佢度,仲攬住我講

「你冇資格愛佢!」


待續... [/size]