唔該幫忙!!急!!

件事發生係一年前左右~

我同我既ex gf係網上識左...同時識左班fd...當中仲有而家既gf

初時我地都有間中成班出黎玩丫咁...果時仲同而家gf唔熟既...

我同我既ex既感情愈黎愈差...果時而家既gf仲幫我...又幫我買野送俾ex gf咁...

直到我同ex gf分左手...我仲係到等佢...

等左一排先知佢呃緊我...我原來做左第三者好耐...就冇左等落去...

係等緊期間...我又唔食野又好少訓...都係多得而家gf安慰我鼓勵我...

佢仲日日陪我傾計..

到我知道ex gf有第三者之後...而家gf就成日搵我...

仲有sms,一齊玩丫咁...

隔左排...佢問我仲等唔等個ex.  我話唔等....

佢就話想同我一齊...我果時都應承左佢...

我問佢點解同我一齊...但之前又幫我買野俾ex...

佢話見到鐘意ge人幸福..佢就幸福...

果排我地成日傾又sms又玩...

佢去親街都話我知...而我都係...

就算我出街夜番佢都等我番先訓...

同佢兩個月之後...大家開始淡左咁...

我sms佢  sd 十次先回一次..

電話又成日聽唔到...又唔打返俾我...(我見佢d fd打去佢聽唔到...佢會搵返人)

搞到我冇咩動力搵佢...因為佢係屋企...會阿佢阿爸阿媽偷聽...

除左sms..只有佢搵我先傾到...而佢好少搵我...

佢開始鐘意on msn就on  off就off...唔會話我知...

我同fd出左兩日街...就話我成日出...

但我有講低佢知...

幾日後佢話出街...又唔講低去邊...之後都係咁...

等我成日擔心佢去邊...

佢病果時...我成日提佢食藥..關心佢...

而我病?佢唔會理..唔會問...

佢唔開心果時...我安慰佢...

我唔開心? 佢都唔會理我...唔會同我分享...

由於佢今年考alevel...所以我好少約佢出街...想佢讀好書...下年大把時間出...

亦唔成日搵佢...

佢今月中生日...我仲買左份生日禮物俾佢...仲想俾驚喜佢架...

可惜...我次次送親野俾人都送唔出...

尋晚佢無啦啦同我講...

話我地之間有問題...大家冇咩共同興趣..除左一齊玩online game外..冇咩話題..

又話好悶...有時同我講野解釋幾次好煩...頂我唔順咁...

又話我地諗野唔同..價值觀又唔同..

乜愛唔係恆久忍耐咩...互相包容....

點解佢變左咁多....

佢尋日問我點....叫我今日俾答覆佢...

我應該點做好呢.....?

我又好鐘意佢....但有時我都成日擔心佢係邊去邊而煩惱....又搵唔到佢...又唔回我...仲話洗唔洗寫報告同我匯報去邊....佢開頭都唔係咁既....

我應該點做好???

甘你咪問下佢想點lo...
佢可能e排5得閒先5系成日理你je..
又有可能佢e排5 happy  ne..
佢之前對你甘好..
我覺得佢對你仲有感情既..

睇到上半part時覺得你gf好好人..
有句感動位"見到自己喜歡ge人自己就會開心"

我好同意,
so好佩服你gf有咁ge容人之量...
但之後我覺得佢又好似玩你咁....

因為問題係睇你咁講,
係佢唔理你在先...

但客觀d黎講,
依d都係你片面之詞,
如果問你女朋友,
可能佢ge point就係覺得你唔o岩在先呢..
so依d野旁人好難講你地邊個o岩邊個錯...
因為你都未知道個事實係點,
我覺得你in this moment應該諗下自己有冇做得唔o岩ge地方先,
如果有就應該諗辦法同返你gf解釋,
同埋我覺得有d事唔可以覺得係對成錯先ga,
因為咁樣你會永遠唔覺得自己有問題,
講真戀愛唔係咁易講得明,
你不如問埋你自己仲係咪喜歡你gf,
or你只係覺得佢o係你最失落ge時候黎支持你ge"朋友"咋?
"情"家係"義"你自己要搞清楚囉

如果,,
大家都搞到咁彊
你地兩個又唔開心,
不如比個時間比你地兩個冷靜下,
咁樣對你地都好,
如果你真係好鍾意佢既話,
咁不如搵日約佢出黎,
傾清楚可能大家既關係會好番D呢!
有D問題收埋收埋唔好架,
你咩野都同佢講清楚,
或者會好過咩都瞞住佢,
比人瞞住你你都唔會覺得開心啦!
講清楚你們之間的問題是最好的(我覺得)

一係我咁講啦
如果你將你自己代入去衣個女仔度
照我推斷
你唔多中意一d太粗魯既女仔
就咁代入去啦
如果有個女仔粗粗魯魯既
成日玩衣樣玩果樣
你初頭對佢好好
覺得佢係一個唔錯既人
但係一齊耐左之後
你發覺佢有好多缺點
有好多你唔中意既野都係佢身上出現
你同佢一齊你覺得好辛苦
咁你會點呢?

講真
我覺得你真係一個好好好好既男仔
亦都係一個好好既男朋友
而家好少男仔會係咁ga喇
所以其實係個女仔唔識得珍惜
不過你轉個角度尼諗下
其實點解佢之前會對你咁好呢
係因為佢曾經都中意過你
佢曾經係真心對過你
其實咁就夠喇
因為佢而家已經唔中意你
你迫佢都冇用
用番佢果句
"見到中意既人幸福   佢就幸福"
係唔係?
如果佢同你一齊唔開心既
咁一齊尼都冇意思啦
如果你迫佢
佢只會覺得你愈尼愈煩
愈尼愈討厭
到時可能唔只咁樣對你ga喇

雖然
我知你係好中意佢
我真係知道到
因為如果你唔重視衣個情況既
你唔會打咁大後野尼同我地講
咁樣都係一件好事尼既
但係你要明白
唔中意就係唔中意
你唔可以迫佢中意番你
你只係可以等
等到佢覺得你好果陣
佢自然會番番尼
但係果陣問題可能會係你仲中唔中意佢

不過如果你話你真係好想同佢好似以前咁既話呢
其實唔係冇辨法既
你要改變下自己
佢覺得你邊樣野唔好
你就改
改到佢中意為止
佢知你有誠意
佢一定會番番去你度
不過亦都可能唔會
因為如果佢真係下定決心唔再中意你既話
你點改
佢都只會覺得你好煩同埋好蠢
咁樣就愈搞愈衰喇

不過點都好啦
我只係俾意見
你點做都係你自己決定
不過我都好想讚下你
你真係好好
對一段情好認真
而家真係好少有
唔好咁唔開心
失敗過先會有更好既下一次
所以記住
凡事都要2面睇
唔好死諗埋一邊呀
加油努力啦
我支持你=v=

[quote]原帖由 [i]man@文[/i] 於 2006-12-5 09:06 PM 發表
一係我咁講啦
如果你將你自己代入去衣個女仔度
照我推斷
你唔多中意一d太粗魯既女仔
就咁代入去啦
如果有個女仔粗粗魯魯既
成日玩衣樣玩果樣
你初頭對佢好好
覺得佢係一個唔錯既人
但係一齊耐左之後
你 ... [/quote]

thx你呀,,,,都打返咁長黎回@@

尋晚佢msn hi左我...問我想點....

又問我覺得應該點做...

我唔係好識講野...開頭我話俾時間大家靜下...

佢都話好既....我諗諗下...都係唔好....

唔想分開...可惜佢話我唔夠武斷又遲應佢...等到佢好火...

我想講....平時我搵佢等成幾個鐘先應....但都唔想話返佢了...一陣又鬧交

我真係好亂唔識講先遲應佢...仲有我仲未做功課....都on黎同佢講...

最後都係變左分手,,,佢仲話會好好做我fd,,,佢話唔係家人問題..係佢自己問題..又唔係我錯..

我總覺得佢收埋d野...唔肯講...係到呃我扮惡...同埋佢近排有個病...都唔知點...

問佢係咪仲鐘意我....佢又唔肯答....

佢成日又扮冇野....唔知佢有d咩秘密唔講得....唉...

仲有佢就生日...都唔知點算好~~

我買左既野已經唔岩送架啦~~  

唔知點解成日諗起佢...一諗就好心痛咁~~

而家見佢on想搵佢...但怕佢又冇反應/冷淡....

仲係有d亂  唔知點算好