2006-12-15 12:08 PM
菲芘
轉-十二星座最識講野排行
十二星座最識講野排行
第一位：雙子座
無得講，心情好既時候，無人會夠雙子人咁識講說話，仲要係講乜就似乜，好鬼厲害！咁犀利，無他，你個腦轉得太快，又好鬼醒，當然，串人亦可以唔使本，所以見到你面，記得第一時間走開，費事遭殃！
第二位：白羊座
白羊人做咩都好有衝勁同熱情，所以對你講，非常享受令到人地由唔信，然後講到人地信既過程，能夠死都拗番生，你會視之為非常有滿足感同成就表現，所以一日你講唔掂人，你都誓不罷休咁厲害係邊個？咪係白羊人你咯！
第三位：天蠍座
唔好以為陰陰沉沉嘅天蠍人會鍾意玩一個人感覺而唔識sell自己，咁大家就對你有誤解喇！你份人直覺強烈，好多時大家都未出聲，你已經識投其所好講好話，可惜爭在懶，有時連問人都懶，你話抵唔抵死！
第四位：獅子座
喜歡成為眾人主角既獅子人，愈多人就愈能顯現吹水本質，講咁多，無非你都係想成為其中主角。不過話時話，獅子人吹既範圍好廣，有咩新產品、靚貨你都會吹得好有心機，但一係唔熟既野，唔該死開！
第五位：人馬座
人馬座出名唔負責任，吹水通常都有少少呢個元素，咁你話喇……！！咁又講真，你既幽默感同失驚無神彈句野好多項，又真係會令人鐘意到你死！但記住吹水要抹嘴，有時都要對自己講既說話負責任先得！
第六位：天秤座
出名圓滑既天秤人，要你吹水真係易過借火，但論深度，你又真係唔夠獅子人咁有心機，至少人哋都會見識多d，然後先至吹！但你仲好野，無野係手，有時都會俾你吹番轉頭，咁厲害，你話點頂！
第七位：水瓶座
吹水通常都係得啖笑，但水瓶人就好奇怪，你可以成日唔出聲，但一出聲又有可能令大家好聽你講，但不得不提，你係又講，唔係又講，有時都會嚇得死人！所以講野之前，唔該經一經大腦，咁對聽果個同講果個都會好啲！
第八位：雙魚座
你要雙魚人主動同人Sell野，除非有件事可以令你好威，又或者做左之後令你好有面，否則你都寧願做幕後它不過又好奇怪，一班人裏面，總會有d特別靜既人，而你就特別鍾意同呢d人吹水，簡直係與別不同！
第九位：金牛座
金牛人出名有耐性，所以對你唔明既事，你就一直講，一直講，直至講到你明為止，好鬼有心機之餘，大家亦可視之為長氣！不過金牛人講嘅內容都唔會差，特別係食方面，可以講到好似真係係你面前咁，好鬼勁！
第十位：處女座
處女人面皮都幾薄，所以要你會係生保人面前講好多野，你會有d唔識應對，所以你最叻就係扮Cool，同埋懶係有性格！但如果同你熟左，就知道你係一個好有理論既人，凡事一定有條rule，同你傾計，有時都幾殺死人！
第十一位：巨蟹座
巨蟹人太過敏感，所以吹完水之後，你會擔心自己吹成點，吹得好唔好，然後又會覺得自己好似呃人咁，好鬼搞笑！基本上你份人比較內向，鍾意無聲勝有聲，所以要你主動吹水，真係有啲「不如就咁殺死我啦！」既感覺！
第十二位：山羊座
由實事求事既山羊人口中講野，通常十句裏面有八句都係講緊番工既事，你要講起d風花雪月，真係有d難度，然之後你會覺得口吃Feel，自己都唔知自己想講咩，然之後大家會憐心生起，唔再迫你 \
[[i] 本帖最後由 Ada敏 於 2009-7-15 10:52 PM 編輯 [/i]]
2006-12-15 05:39 PM
chun18
第七位：水瓶座
吹水通常都係得啖笑，但水瓶人就好奇怪，你可以成日唔出聲，但一出聲又有可能令大家好聽你講，但不得不提，你係又講，唔係又講，有時都會嚇得死人！所以講野之前，唔該經一經大腦，咁對聽果個同講果個都會好啲！
我講野冇咩人會笑~~
但我係又講，唔係又講都有少少岩~~
2006-12-15 06:05 PM
灰;
第十一位：巨蟹座
巨蟹人太過敏感，所以吹完水之後，你會擔心自己吹成點，吹得好唔好，然後又會覺得自己好似呃人咁，好鬼搞笑！基本上你份人比較內向，鍾意無聲勝有聲，所以要你主動吹水，真係有啲「不如就咁殺死我啦！」既感覺！
有時真系會甘-V-''