2007-9-13 06:51 PM
flawless
1.只有一個人額頭有字的情況. 因為呢個人見唔到別人額頭有字,所以必然會以為自己額頭有字,所以佢會係星期一就自殺,咁即係話,唔只一個人額頭有字
2.基於第一點,假設有兩個人(A,B)額頭有字,A眼中,只得B有字,同樣B眼中,只得A有字,但如果星期一佢兩個都唔自殺的話,咁即係話,佢兩個眼中都見到第二個額頭有字,於是星期二既時候,當A,B見到對方額頭有字而別人都冇既時候,咁佢兩個就會知道額頭有字既兩個人就係自己,於是星期二佢兩個就會自殺.
3.基於第二點,假設有三個人(A,B,C)額頭有字,星期一,A,B,C眼中均會見到有兩個人額頭有字,因此會斷定星期二就有人死,但係星期二冇,咁佢地都會知道至少有三個人,但佢地眼中只見到另外兩個人,於是佢地就會知道第三個果個係佢自己,於是星期三佢地就會自殺
4.基於第三點,假設有四個人(A,B,C,D)額頭有字,咁A,B,C,D眼中都只有三個人額頭有字,如果佢地以為淨係有三個人既話,應該星期三就有三個人自殺,但係冇,於是得出答案最少有四個人額頭有字,但A,B,C,D四個人眼中都只能見到另外三個,因此可以斷定另一個必定係自己,所以星期四佢地會自殺
5.因為命題已經清楚講明,星期四,所有額頭有字既人死晒,所以答案只可能係四個,唔會多亦唔會少.