2007-11-21 08:38 AM
h0ney;)
親為肥姐暖手托眼鏡 阿姐：咁老友點會積怨
親為肥姐暖手托眼鏡 阿姐：咁老友點會積怨
(星島) 11月 21日 星期三 06:30AM
(綜合報道)
(星島日報 報道)汪明荃 (阿姐)最近被指與肥姐曾經結怨7年，阿姐昨日接受查小欣 訪問時否認傳聞，直斥報道不負責任：「絕對無咁嘅事，點會有怨！我喺娛樂圈40年，從來無同任何人結怨，幾唔好傾我都會好客氣。同肥姐咁老友，一齊工作幾十年，合作過好多節目，肥姐個人好好，點會積怨？」
阿姐覺得肥姐得獎實至名歸，覺得欣宜 獻唱環節很感動，大讚欣宜歌聲動聽。談到為肥姐拭淚，阿姐表示只是為肥姐托一托眼鏡，影相效果靚一點。阿姐事前與肥姐溝通好，讓肥姐出場前做好準備，她說：「本來佢想自己行出嚟，我話唔好，唔知支持到幾耐，死撐會好辛苦。佢好緊張，我暖佢手。」阿姐又否認有指鄭裕玲 充當她與肥姐和事老的報道。
阿姐談到傳媒操守時愈講愈勞氣，認為工作以外又要回應傳聞，豈不是日日做騷給讀者看，無形中做多一份工作，當查小欣回答「是」，阿姐更激動說：「你都認為要咁做？明知作嘢，藝員出嚟講又再作，我哋咪好唔得閒！」文：張穎芝
■阿姐稱當晚是她堅持肥姐不要步行出台。(資料圖片)
■阿姐與查小欣相交數十年，但昨日也險動真火。(資料圖片)