被指《優秀選》捧蛋 罷拍《廚房》報復 小方認低威無膽得罪無線

請切換完整版來瀏覽圖片和連結

有指方力申日前在《勁歌優秀選第2回》捧蛋，於是缺席《美女廚房》的泰國外景來「報復」！昨日他出席活動時連忙澄清：「當然唔會啦，想死嗎，同TVB小器？我仲有排要撈口架。」明顯低聲下氣，不敢亂來。

　　小方昨日出席《全國國際英語大賽》記者會，問他曾否講英文而鬧出笑話？「18、19歲時我在美國讀書時，我問女教師借擦紙膠，講『Rubber』，Miss說『Rubber』在美國是避孕套咁解，令我好尷尬。」小方坦言入行後英文退步了，「因為少講，有些字已不懂寫，要積極惡補，睇戲睇英文字幕。」

　　對於有報道指他失落《勁歌優秀選》，故不去《美女廚房》外景，小方即澄清：「會去，因為接了這個英語活動，向TVB請了半天假，夜晚就起程，星期六返。」問到沒有獎是否失望？「失望梗有，不過會繼續努力。但我覺得宣傳應該加多一個人，就係鄭中基（Ronald）啦，如果有佢幫手，效果會更大，我力邀Ronald出山呀。」問他是否想Ronald幫手「搲獎」？「不是，佢都『化』啦，留畀我們呢口的細嘅。」問到是否因無獎而罷去外景？「當然唔會，我想死嗎？同TVB小器？我仲有排要撈口架。」對於有指他和梁漢文沒有獎，令鄭中基勁嬲？「佢係半個老闆，當然會緊張。」

　　中基無膽四圍望

　　另外，《美女廚房》主持鄭中基、蘇永康、湯盈盈、及一眾「美味天使」等人，昨晨出發往泰國6日拍外景。由於未見梁漢文、小方同行，惹來兩人罷拍傳聞，監製錢國偉否認，指梁漢文已一早通知，並由蘇永康頂替，而小方則於稍後出發。

　　康仔直指傳聞可信性極低，並力撐3兄弟說：「《美女廚房》收視單手都高過《優秀選》啦！」至於患感冒的Ronald則戴上口罩，他只參與3日拍攝，隨即要趕往拍戲，他亦指梁漢文早已通知因工作未能赴泰國。問他同行女藝人個個身材驕人，會否避忌一點？他笑說：「唯有擔高頭啦。」