just訴苦...

[size=3]我係一個中3既女仔喇,同好多人一樣,我係新移民過黎香港的,呀爸係個7x歲既長者,呀媽就4x歲,名正言順既老夫少妻.[/size]
[size=3]可能好多人都覺得通常咁既組合,個妻既一定係好差好差,但我想講唔係囉.[/size]
[size=3][/size]
[size=3]我7x歲既呀爸一直都有吸煙,都有幾十年煙隱,前幾年,呀爸仲上大陸滾,hurt到呀媽想離婚,不過後來就冇事,但幾個月前就證實左有肺癌,好多親戚都話可能係我地家族遺傳既,因為我既爺爺,我呀爸既幾個呀哥,都係肺癌死左[/size]
[size=3]但真實係咪咁我就唔知喇,睇完醫生,呀媽返到黎同我講發生咩事喇,愈講愈喊得犀利,我份人就諗野都好化,係佢地面前我就豪不在乎,但有時都會自己一個喊左出黎[/size]
[size=3]之後醫生建議我呀爸做手術,有70%會成功,割10分3既肺,雖然好似好大機會會成功,但係醫生就事先聲明:但係做完手術一有細菌感染既話,就會死.[/size]
[size=3]我諗大家都知,做手術呢d野,係要博架嘛.我地都好想佢做左呢個手術佢,但係佢唔肯,咁條命係佢既,我地唔可以幫佢渣主意架嘛.所以之後呀媽就周圍打聽,睇下有冇d咩醫生係醫得到,一開始就搵到一個係大陸既中醫,食中藥,好多人都去搵佢睇cancer,但係好貴,上去果到又遠又多人要排隊,朝早去夜晚先返到香港,因為呢d問題,所以就冇睇到,後來就換左係香港既xx療法,唔係中醫亦都唔係西醫,但係要食藥,仲係好多添,都要幾千銀,但就比第一次果個中醫方便得多.[/size]
[size=3]咁大家都知,有肺癌就一定要介煙架喇,一開始呢個xx療法既醫生就話:食呢d藥,一定要介煙,介口(大概就係要清淡d食野,唔可以食海鮮,只可以食魚,唔可以食煎炸野咁),同食左呢d藥佢排出身體入面既癌毒素會有少少痛,所以就開埋止痛藥.[/size]
[size=3]我知既就係呢d,我冇一齊去到睇所以唔知個醫生另外有冇同佢地講d咩喇.由細路到大人都知道醫生既說話點都要聽d架喇.[/size]
[size=3]但係,一開始,呀爸一邊食藥,一邊就食煙飲茶,你地話曬唔曬錢?[/size]
[size=3]之後佢隻加手開始腫痛,呀媽又同佢去睇醫生,醫生話呢d就係藥物既反應,食左煙就會腫,會痛,唔食就消腫同埋冇咁痛,只要一食煙食埋其他唔食得既野就會腫,隻手腫左仲話乜都冇食係厄人的,有冇食到,一睇隻右手就知.後來就全家都陪佢食清淡野,要佢唔可以食煙,我正正係發育時期,但係都要咁食(因為呀爸既藥已經對屋企好重負擔,佢咁大年紀,已經冇工作能力,我中3,但未到16歲,仲讀緊書,冇得出去幫手做野搵錢,成個屋企既開支全部靠呀媽一個獨撐,但佢都冇怨冇悔),因為另外又要為左煮過第d野食,對呀媽黎講會更加辛苦,有時我都見到呀媽偷偷地喊,但我又乜都做唔到,果一下真係覺得自己有高等教育但好無能.後來可能係癌病折磨得呀爸好辛苦(因為醫生都話有cancer會痛係好正常),佢既脾氣愈黎愈壞,乜都比佢鬧一餐,我同呀媽都忍得好辛苦,跟住佢既手排毒又腫又痛,已經漸漸冇力,同唔到,要用左手去代替右手,但係得一隻手,做唔到d咩,所以呀媽就搵份冇咁多工作時間既工,多d時間留係屋企照顧佢,而家連沖涼都要呀媽去幫佢沖,而家天氣凍,呀爸咁老就會怕凍係好正常,我地年輕人都會怕喇,同埋呢個病會令到佢更加怕凍,一直都唔敢沖涼,後來係我同呀媽既勸告下終於都沖,咁一開就開到去45度水溫,已經係好熱,熱到呀媽對手紅曬,但呀爸一路都話未夠熱,之後開到去48度,呀媽已經覺得好熱好熱,呀爸仲話未夠,仲鬧左呀媽好耐,我係出面都聽到.之後就呀媽開到去49幫佢沖,出到黎呀爸就去左訓教,我見到呀媽對手好紅好紅.咁呀爸都唔只要食飯,要有d零食咁,呀媽就打電話去問醫生咩野係食得,醫生就話食多d蘑[姑](抗癌),小食就可以食栗子,蕃薯,核桃呢d,咁呀媽就買左個小拖車果d走上大陸買一大堆蕃薯同栗子(都唔輕,我抽都抽唔到)拖返黎香港整比呀爸食,開頭都話好味,食食下就話食厭左,話:我乜都唔食得?乜都唔食死得更早喇,冇營養(但係一開始個醫生都已經講明左食呢d藥,一定要介煙,介口).為此我成日同佢鬧交,佢食乜野,我地就食乜野,我地都跟住介口,佢又有冇體諒下我地?仲話我地唔體諒佢.佢食咁多野都食左7x年,而家介都唔過份姐,我自十幾歲就要同佢一齊介喇喎,我又冇零用錢,買到d咩食呀?[/size]
[size=3]跟住可能呀爸聽完就覺得事實又係如此,所以之後就冇咩出聲,到左今日,佢自己又靜靜雞拎人地送黎既朱古力黎食(過年人地送既),一食就食左成10粒,呀媽又唔係到,我就係房到唔知,食左冇耐就哎痛,叫我拎止痛果d比佢食,仲哎我打比呀媽話好痛,呀媽一返到黎見到佢食左咁多朱古力,呀爸又係到發脾氣話痛,呀媽果時就好嬲(比著你地你地都男喇下話)就鬧佢喇,跟住2個就鬧交,以下係對話:[/size]
[size=3]媽:都叫左你唔好食,你睇下你而家似咩樣[/size]
[size=3]爸:咩都唔食仲早死呀!我都懷疑呢個醫生有冇用[/size]
[size=3]媽:我咪煲好左d蕃薯係到囉[/size]
[size=3]爸:唔好食![/size]
[size=3]媽:我都叫左你,你而家咁既樣就唔好要求好唔好味喇,醫飽個肚咪算囉,叫你做手術你又唔做,果時做左你而家都好返喇,乜都有得你食[/size]
[size=3]爸:果時係做左手術我而家都死左喇![/size]
[size=3]媽:咁又係你話要睇呢個醫生,而家又話個醫生冇用,你睇得人地你就要信,你自己又唔介口,你食左2個月藥咋,人地果d食2年藥先好得返呀[/size]
[size=3]爸:一返到黎鬧鬧鬧,你淨係識係到鬧我呢個病人,你擺明想我死快d喇[/size]
[size=3]就係咁,之後我就聽唔到,靜左一陣,呀媽就衝左入次所喊,我就係呀媽後面攬住佢等佢好過d,[/size]
[size=3]我覺得呀爸果句:你擺明想我死快d[/size]
[size=3]真係好過份,唔好話正係我呢個女喇,個個親戚都有眼睇,呀媽以前2x歲就嫁左比當時5x歲既呀爸,一陣相安無事,呀爸到左6x歲就冇左份工,之後就一直係屋企唔出去做野,得呀媽一個係出面做餐死,前幾年呀爸仲要上大陸滾,滾左個性病返黎,呀媽同佢去睇醫生返到屋企就一直冇睬過呀爸,呀媽果時就想離婚,但個心仲係呀爸到,後來呀爸自己去搵人醫醫好左,冇幾耐就冇事唔洗離婚,呀媽又重新接受返呀爸,跟住而家呀爸搞成咁,呀媽都一直對佢不離不棄,呀爸又唔係有錢,而家d家用全部都係呀媽d血汗錢,個個都話呀媽條命生得苦,我都同意,佢又唔會拎我黎發洩,對我成個寶咁.我真係愈黎愈唔鐘意呀爸,佢對我付出d咩?冇病痛就已經呼呼喝喝,而家有時就當我地2個工人咁洗極唔洗本.真係好嬲囉佢咁對呀媽~[/size]

15歲可以出去打工

我都明你嘅心情...
我個人覺得你呀爸真係好過份囉
呀媽已經撐起成頭家
關心佢想佢好d但你呀爸只係識話你呀媽...
好衰囉...:sYZ92E7: :sYZ92E7:

其實15就可以出去做嘢嫁啦
你同你呀媽講..叫佢唔好理你呀爸
同理同你呀爸講.我地就係得呢啲錢買呢啲嘢食嫁啦
叫佢食就食..唔鍾意就咩都唔好食
移家鍾意食戈樣大晒呀.
佢移家係病人.唔係咩大老闆.
冇咩閒錢買咩好嘢比佢食.要食就自己搵錢.自己買黎番黎食
都未見過禁既老豆呀!!!火都黎呀!!!!

講真你老豆自己有病都好辛苦
好難控制自己D情緒
你咪多D同佢傾計,咩野都傾一餐囉,等佢唔好一個人傻下傻下,想食D唔食得既野又驚俾人知
分散下佢注意力都好嘛
雖然成家一起介口係辛苦D,但你地係一家人黎家嘛
咁你驚你阿媽辛苦咪等佢放工番黎同佢按下摩,叫佢坐低休息下囉
幫手做家務都好GA,要俾佢有一個「個女生姓識諗,會幫到自己減輕壓力」既感覺
執乾淨自己間房,保持下間屋既表面衛生都係家務姐:em03:
加油啦!(拍肩

停停停停停!!唔好同佢嘈住先`
現家你爸爸需要既係好大既支持同安慰`
佢已經七十幾歲,,+上佢自己又上去滾,做錯事`
佢會內疚,,佢自己人又老,又一大堆缺點`
咁樣會令到佢覺得自己係個累贅`
你媽媽又咁後生.佢會覺得自己唔襯`
食戈d藥可能苦,跟住又會痛`
冇得食煙又冇得食熱氣野...`
本身既生活比一個cancer搞到亂七八糟`
冇輪戈個係邊個都會發脾氣同講悔氣說話..`

得閒陪多d佢,同佢講下d開心野`
當然要小心{煙}{食好味野}既話題拉`
唔好成日同佢鬥氣喇....佢身子現家咁弱`
趁仲有時間就盡一盡孝道..廢事將來後悔`
或者可以教佢第2d興趣丫`
好似捉下棋同學茶道咁,都好有益架`{d茶唔知道有冇d係你爸唔飲得..}`

下-,-;
有病個個系佢;
你淨系識話佢成日鬧你同你啊媽;
咁有冇嘗試體諒下佢既辛苦?
佢食藥;手痛吾辛苦?
佢70歲;做左咁耐野吾辛苦?
吾好話你啊媽點捱點盛;
吾通你啊爸冇捱過咩?
60幾歲;退休架喇啵;
你話佢系屋企吾出去搵野做?
60幾歲吾系屋企吾通仲出去搏?
話佢點點點;你細個個陣食草大?
咪又系佢出去捱生捱死捱大你;>
你都中3啦;
吾識出去搵野做架?
吾通仲要個老豆餵埋你食飯咩;
大個女;識諗啦
佢有咁既病佢想架?
吾肯做手術?
你都識講遺傳病;
你咁多親戚因為呢個病死左;
佢吾怯架;?
將心比心;
試下企系你老豆既立埸睇下啦
陪佢1齊介口系局住架姐;
吾好講到自己幾咁偉大;
試下放d你中意食既野系你面前睇下你忍吾忍到口囉-,-
特別系佢呢d要介口既人;
吾想佢食咪收到密密實實囉;
佢病左更加需要人支持同鼓勵^___^;
如果你做佢個女都吾識體諒佢既話;
你好失敗;>
純粹個人意見;
吾妥回cm囉^3^;

[quote]原帖由 [i]★小穎;D[/i] 於 2010-2-21 01:01 AM 發表 請切換完整版來瀏覽圖片和連結
下-,-;
有病個個系佢;
你淨系識話佢成日鬧你同你啊媽;
咁有冇嘗試體諒下佢既辛苦?
佢食藥;手痛吾辛苦?
佢70歲;做左咁耐野吾辛苦?
吾好話你啊媽點捱點盛;
吾通你啊爸冇捱過咩?
60幾歲;退休架喇啵;
你話 ... [/quote]
咁k實係依個咁艱難既時刻,大家都難受既..`
就係因為樓主冇可能係現實講出黎,吐苦水..`
所以先上黎打咁大篇野,一次過講哂出黎`
雖然你講既說話都岩..`
但站在樓主既角度黎睇,佢都好辛苦架..`
大家體諒一下大家..一定能渡過既!樓主+油!!`

[quote]原帖由 [i]-_糖霜小丸子;;[/i] 於 2010-2-21 02:56 AM 發表 請切換完整版來瀏覽圖片和連結

咁k實係依個咁艱難既時刻,大家都難受既..`
就係因為樓主冇可能係現實講出黎,吐苦水..`
所以先上黎打咁大篇野,一次過講哂出黎`
雖然你講既說話都岩..`
但站在樓主既角度黎睇,佢都好辛苦架..`
大家體諒一下 ... [/quote]
冇意見-,-