〔伊安閱波室〕槍手奪「利」 巴塞贏「德」

[attach]378776[/attach]

聽日就係無足球龍門陣既第200日，伊安一直希望可以早日係各大電台有返類似足球龍門陣既日日播既足球節目，最好有返足球龍門陣，奈何一路等都無呢類足球節目聽，無計

講返今晚凌晨，有兩場大戰等梗各位巴打，第一場阿仙奴鬥利物浦，第二場皇馬鬥巴塞；若然各位巴打聽朝要返工既話，而家最好訓教，較定鬧鐘夠鐘就起身睇波

阿仙奴鬥利物浦，兩隊位於聯賽6、7位，近10次對賽利物浦只得1勝，阿仙奴同利記近期黎講都係穩定性爭少少，但伊安認為阿仙奴呢鋪可以睇高半線，主場贏波而回，相對利物浦岩岩係上周末足總盃輸俾奧咸，信心受挫下難有期望；呢鋪估阿仙奴贏2:1

至於西盃，皇馬鬥巴塞，近2次對賽皇馬可保不敗，係西甲爭標可能似乎0情況下，轉戰盃賽係唯一辦法，但伊安認為巴塞而家狀態勁、人腳齊、對手無「聖卡西」守龍，加埋巴塞西甲贏梗半個奬盃，同皇馬一樣爭盃為主，變相巴塞今鋪就算要作客班拿貝都有一定贏波把握，先拔頭籌返魯營踢次回合；呢鋪估巴塞贏3:1

今晚呢兩場波，各位巴打有咩心水呢？？？