餅`Y-IN
吹水學徒
六天*
會員編號 9721
精華
0
積分 14689
帖子 1832
威望 0 點
I-See幣 27901 錢
GAME幣 100 個
MSN宣傳 0 次
性別
 女
配偶 未婚
閱讀權限 110
註冊 2005-6-10
註冊天數 7141
狀態 離線
|
|
|
你 嫁 唔 嫁 得 出 ( only girl )
以下呢個係處理心理Game，故事背景係............
如果你Honey被調派到一個孤島工作。
有一日，你突然想見佢，過程中遇到以下問題。
Q.1 男朋友被調派到離開你好遠的孤島工作，你好想見佢，你會同邊個講。
A. 自己的女性朋友 --> Q2
B. 男友的男性朋友 --> Q3
C. 男友 --> Q4
Q.2 「你想見佢，咪依家去搵佢囉」，朋友對你咁講，你會點做？
A. 先打俾男友，問清楚佢依家方唔方便見你 --> Q4
B. 同男友的男性朋友商量 --> Q3
C. 睇占卜書或星座書搵解決方法 --> Q6
Q.3 男性朋友同你講「唔好搵佢啦，同我出去飲野」你會點做？
A. 同佢出去飲野嘢 --> Q5
B. 預感有危機，拒絕佢 --> Q7
C. 睇占卜書或星座書搵解決方法 --> Q6
Q.4 終於聽到男友把聲，講完後。男性朋友又同你講出去飲野，你會點做？
A. 同佢出去飲野嘢 --> Q5
B. 預感都係有危機，拒絕佢 --> Q7
C. 唔理佢，決定去搵男朋友 --> Q8
Q.5 男性朋友突然同你表白：「其實我好鍾意你，不如你同佢分手，同我一齊啦....」
A. 睇占卜書或星座書搵解決方法 --> Q6
B. 拒絕愛意，離去搵男友 --> Q8
C. 同佢發展One Night Stand --> Q9
Q.6 睇星座時贈你一句：「鏡花水月既幸福，有即係冇」你睇後有乜行動？
A. 冇乜特別行動 --> Q7
B. 去搵男友 --> Q8
C. 跟男友既Friend見面 --> Q9
Q.7 一個人響屋企實在好慘，點都想出去散下心，你會點做？
A. 決定去離島搵男友 --> Q8
B. 都係同男性朋友見面好 --> Q9
C. 自己一個出街逛 --> Q10
Q.8 出門時，男性朋友已企門口，同你講「其實我好鍾意你」.....
A. 唔理佢 --> Q11
B. 同佢出街 --> Q9
C. 扮有急事鬆人 --> Q10
Q.9 男性朋友突然攬實你，忽然想起男友，設法離開，你會去邊？
A. 無論如何，先離開家門 --> Q10
B. 去車站 --> Q11
C. 即跳上的士 --> Q13
Q.10 黎到分叉路口，你會揀邊條路？
A. 車站 --> Q11
B. 飛機場 --> Q13
C. 巴士站 --> Q12
Q.11 車站有三種速度選擇的車，搭邊種都一樣要等，聽日至有船，你會搭？
A. 慢車 --> Q18
B. 快車 --> Q19
C. 特快 --> Q20
Q.12 長途巴士 Full 晒，等下一班到，仲有大把時間，你會.....
A. 轉去火車站 --> Q11
B. 打俾女性朋友，問意見 --> Q14
C. 企度等下一班車 --> Q16
Q.13 到飛機場先發現唔夠錢，你會.....
A. 跟女性朋友商量 --> Q14
B. 返屋企 --> Q15
C. 轉搭巴士 --> Q16
Q.14 女性朋友趕到，原來佢都唔夠錢，你會.....
A. 先去火車站 --> Q11
B. 轉搭慢車 --> Q18
C. 轉搭快車 --> Q19
Q.15 籌夠錢搭飛機，但落機時又係深夜，要聽朝至有船出海，你會.....
A. 碼頭等天光 --> Q17
B. 去通宵營業餐廳打躉 --> Q19
C. 去酒店住一晚 --> Q20
Q.16 巴士未到碼頭，但覺得好肚餓，你會去邊到食早餐
A. 碼頭小食店買黎企度食 --> Q17
B. 去通宵營業餐廳 --> Q19
C. 去酒店食自助餐 --> Q20
Q.17 響碼頭遇到個變態佬，你會點做
A. 飛奔去差館 --> Q18
B. 笑住口，扮冇野 --> Q19
C. 乜都唔理，走為上著 --> Q20
Q.18 終於坐船離開港口，幾個鐘之後就到孤島，船上你會坐邊？
A. 一等艙 --> Q21
B. 二等艙 --> Q22
C 船頭或船尾 --> Q23
Q.19 船一開，就遇到個蕩失路的小朋友，你會去邊到搵佢父母？
A. 一等艙 --> Q21
B. 二等艙 --> Q22
C 船頭或船尾 --> Q23
Q.20 颱風突襲，所有船停航，但你好想見男友，你會？
A. 叫漁船的人載你 --> Q22
B. 租小艇自己划過去 --> Q23
C. 待颱風過後先算 --> Q24
Q.21 想打電話俾男友時發覺電話冇電，你會？
A. 用公眾電話 --> Q22
B. 買電池 --> Q23
C. 唔打 --> Q24
Q.22 船到岸，有人企島上揮手，你覺得係唔係你男友？
A. 唔係 --> Q25
B. 係男友 --> Q27
C. 唔知 --> Q23
Q.23 你暈船浪，上岸後好唔舒服，你會？
A. 企響碼頭 --> Q24
B. 響附近散步 --> Q27
C. 立即去男友家 --> Q29
Q.24 個島好靜，只聽到海浪聲，你想問人點去男友屋企，你會問？
A. 遊客詢問處 --> Q25
B. 路人 --> Q29
C. 差人 --> Q28
Q.25 當你向遊客詢問處查問男友住址，當值小姐好唔 Nice 咁望了你一眼，你覺得.....
A. 呢個人本身係咁 --> Q28
B. 佢同你男友有路 --> Q26
C. 佢妒嫉你咁靚 --> Q27
Q.26 你同遊客詢問處個小姐講，「你同我男友咩關係?」，你覺得佢會點答
A. 工作關係 --> Q27
B. 朋友 --> Q28
C. 情侶 --> Q29
Q.27 男友唔企屋企，可能佢去左碼頭接你，雖然響到等實會見到佢，但你.....
A. 返碼頭 --> Q29
B. 附近散步 --> A型
C. 門口等 --> B型
Q.28 你拍門時見到男友會講咩？
A. 唔響到呀？係我呀 --> C型
B. 唔好意思 --> D型
C. 我終於黎到啦 --> E型
Q.29 男友向你揮手，並跑過黎，似乎想攬實你，你會.....
A. 準備攬住佢 --> F型
B. 即比手信佢 --> G型
C. 做出「唔好啦」即表情 --> H型
A型 : 含蓄老婆型 (90% 嫁出率)
你細心到有啲神經質，唔識直接向對方表達自己嘅愛意，暗地裏自尋煩惱。好心你鍾意人咪講句"我鍾意你"﹔想見人咪講句「想見你」囉！不過，你亦無需夾硬扮積極出擊，因為你含蓄嘅一面係最有魅力嘅，你先至係做人老婆嘅No.1人選！
B型: 野蠻寂寞型 (50% 嫁出率)
你有時都覺得自己好野蠻，成日攻擊對方。你嘅性格好多時會令你同男友反面。不過，亦有男人覺得你嘅野蠻好Cute。此外，你亦唔好恃勢行兇，你扭計時亦要表現吓溫柔，如果唔係個個男人都走佬。
C型:包容忍耐型(70% 嫁出率)
被人飛，你都會好順服順，有人會覺得你係一個好冇用嘅女人，但好多時男人因為你嘅包容，先至會將自己真正嘅一面表露。佢哋會覺得你會原諒佢，所以你嘅憂心同包容係維持感情嘅最大動力。你可能辛苦啲，但幸福在眼前。
D型:永冇蝕底型(20% 嫁出率)
你以智慧裝備自己，男人唔係咁容易接近你，而你亦覺得亂咁談情，到頭來蝕底嘅係自己，所以你將鍾意嘅男人同冇將來嘅男人分得好清楚，亦只會對鍾意嘅男人好。不過，所謂你揀人時，人揀你，諸多要求，分分鐘冇著落。
E型: 熱情Open型(60% 嫁出率)
城市人唔係咁容易打開個心，不過好多男人會甘願俾你攻佔佢嘅世界，因為初次見面，你已經表現得好Open，但又唔Cheap。你大膽性感嘅表現亦係發展及維持感情嘅最強手段。不過，男人亦會期待你變化多端帶來刺激，行呢條線嘅你，好鬼吃力。
F型: 多元化情趣型 (40% 嫁出率)
你係一個進化咗嘅女人，好識製造生活情趣，懂得直接、大膽表達自己嘅感受，所以愛上你嘅男人亦應該係比較直接。雖然，你對好多人態度基本上都好親切，好易同伴侶發生問題。但調校得啱啱好嘅話，可以利用愛侶嘅妒嫉心去維持感情。
G型 : 男人玩物型 (10% 嫁出率)
覺得冇男人認真對自己，永遠只係玩具一樣，冇好結果。漸漸你會睇唔起自己。雖然真係有唔少人覺得你好隨便，只想同你Keep住玩伴關係，問心你對感情亦冇認真付出，緣分未到時，你好難搵到伴侶。
H型: 神秘引死人型(30% 嫁出率)
你會做出令人意想不到嘅事，係謎一樣嘅女人。雖然你以為自己好正路，但周圍嘅人覺得你好神神秘秘，連男友都摸唔清你，不過，亦有人鍾意摸唔清嘅女人，覺得好刺激，但呢種關係，要小心處理。
|
| I-See Forum @ All rights reserved. |
|
|
|
加入我的最愛 | 
設定為首頁 | 
圖片上載
論壇音樂模式 
非音樂模式 
