黎明（Leon）都可算是孝順仔一名，入行以來都努力工作來供養父親黎新生，但近年既忙拍拖又搞公司，空閒時間經常相約公司同事出來傾發展大計，積極賺錢，可能因此令曾經患癌的黎父有點苦悶，竟然終日沉迷賭博，日日出入投注站，每日捱麵包及食齋度日！文：陸宜 圖：容子堂、甄朝健

　　黎明（Leon）近年開始減產，將更多的時間放在和樂基兒拍拖遊埠，又為自己投資的唱片公司辛勤工作，差不多每個星期天，都會見到黎明現身跑馬地和同事商談大計，上星期亦不例外，他跟助手及公司高層，齊齊去到成和道一家餐廳歎茶之餘，順道傾談公事，傾到傍晚6點才離開，公司高層等人先行離開，負責埋單的Leon就遲遲才出來，跟同事道別後，Leon便由助手駕着樂基兒平日使用的座駕返家。

　　Leon努力賺錢，除了為未來成家立室養妻活兒鋪路外，更要供養曾患癌病的父親，不過記者卻發現黎父的生活不如想像中富裕。早前，記者於九龍城福佬村道發現黎父的平治座駕，身穿裇衫西褲及西裝褸的黎父，一頭亂髮，獨個兒將車停泊在路邊，走到旁邊一家齋鋪買了兩盒齋菜，就當午飯。

　　接着，黎父一個箭步走到對面馬路的投注站買馬投注，數分鐘後，又離開投注站，再到對面馬路一家糖水店，買了一碗糖水，然後跳上座駕離開，一頓午餐30元有找，可見他沒有住家飯食之餘，還十分孤清！

　　相隔數天，記者再次於九龍城遇見黎父，同樣穿上藍色恤衫及西褲的他，今回改改口味，選擇小朋友最愛的麥當勞，買了一個廿多元的套餐，更加慳皮。

　　黎父將午餐放到車上，他只將車駛前了三個車位，接着又再次走到轉角位的投注站，看來黎父為了慳錢去賭，寧願捱麵包度日，認真用心良苦！