ymjrmfmi
吹水學徒
會員編號 391707
精華
0
積分 2074
帖子 1240
威望 0 點
I-See幣 15620 錢
GAME幣 276 個
MSN宣傳 0 次
性別
 男
配偶 未婚
閱讀權限 60
註冊 2007-12-9
註冊天數 6181
狀態 離線
|
|
|
咩星座最死剩把口?
第一位：雙子座
無得講，心情好嘅時候，無人會夠雙子人咁識講說話，仲要係講乜就似乜，好鬼厲害！咁犀利，無他，你個腦轉得太快，又好鬼醒，當然，串人亦可以唔使本，所以見到你面，記得第一時間走開，費事遭殃！
第二位：白羊座
白羊人做咩都好有衝勁同熱情，所以對你講，非常享受嗰種人哋由唔信，然後講到令佢信嘅過程，能夠死都拗番生，你會視之為非常有滿足感同成功感嘅表現，所以一日你講唔掂人，你都誓不擺休，咁厲害係邊個？咪係白羊人你咯！
第三位：天蠍座
唔好以為陰陰沉沉嘅天蠍人會鍾意玩一個人感覺而唔識sell自己，咁大家就對你有誤解喇！你份人直覺強烈，好多時大家都未出聲，你已經識投其所好講好話，可惜爭在懶，有時連氹人都懶，你話抵唔抵死！
第四位：獅子座
喜歡成為眾人主角嘅獅子人，愈多人就愈能顯現佢嘅吹水本質，講咁多，無非你都係想成為其中主角。不過話時話，獅子人吹嘅範圍好廣，有咩新產品、靚貨你都會吹得好有心機，但一啲唔熟嘅野，唔該死開！
第五位：人馬座
人馬座出名唔負責任，吹水通常都有少少呢啲元素，咁你話喇……！！咁又講真，你嘅幽默感同失驚無神彈句野嘅多項，又真係會令人鐘意到你死！但記住吹水要抹嘴，有時都要對自己講嘅說話負責任先得！
第六位：天秤座
出名圓滑嘅天秤人，要你吹水真係易過借火，但論深度，你又真係唔夠獅子人咁有心機，至少人哋都會見識多啲，然後先至吹！但你仲好野，無野喺手，有時都會俾你吹番轉頭，咁厲害，你話點頂！
第七位：水瓶座
吹水通常都係得啖笑，但水瓶人就好奇怪，你可以成日唔出聲，但一出聲又有可能令大家好聽你講，但不得不提，你係又講，唔係又講，有時都會嚇得死人！所以講野之前，唔該經一經大腦，咁對聽嗰個同講嗰個都會好啲！
第八位：雙魚座
你要雙魚人主動同人Sell野，除非嗰件事可以令你好威，又或者做左之後令你好有面，否則你都寧願做幕後功臣！不過又好奇怪，一班人裏面，總會有啲特別靜嘅人，而你就特別鍾意同呢啲人吹水，簡直係與別不同！
第九位：金牛座
金牛人出名有耐性，所以對你唔明嘅事，佢會一直講，一直講，直至講到你明為止，好鬼有心機之餘，大家亦可視之為長氣！不過金牛人講嘅內容都唔會差，特別係食方面，可以講到好似真係喺你面前咁，好鬼勁！
第十位：處女座
處女人面皮都幾薄，所以要你喺啲生保人面前講好多野，你會有啲唔識應對，所以你最叻就係扮Cool，同埋懶係有性格！但如果同你熟左，就知道你係一個好有理論嘅人，凡事一定有條rule，同你傾計，有時都幾殺死人！
第十一位：巨蟹座
巨蟹人太過敏感，所以吹完水之後，你會擔心自己吹成點，吹得好唔好，然後又會覺得自己好似呃人咁，好鬼搞笑！基本上你份人比較內向，鍾意無聲勝有聲，所以要你主動吹水，真係有啲「不如就咁殺死我啦！」嘅感覺！
第十二位：山羊座
由實事求事嘅山羊人口中講嘅野，通常十句裏面嘅八句都係講緊功（工）事，你要佢講多啲風花雪月，真係有啲難度，然之後你會覺得佢有啲口吃Feel，自己都唔知自己想講咩，然之後大家會憐心生起，唔好再迫佢啦！
|
| I-See Forum @ All rights reserved. |
|
|
|
加入我的最愛 | 
設定為首頁 | 
圖片上載
論壇音樂模式 
非音樂模式 
