kay118
初級會員
會員編號 432699
精華
0
積分 358
帖子 126
威望 0 點
I-See幣 7286 錢
GAME幣 110 個
MSN宣傳 0 次
性別
 女
配偶 未婚
閱讀權限 40
註冊 2009-3-5
註冊天數 5722
來自 Ｔhe Ｗings of Ｄevil✖
狀態 離線
|
|
|
夜半鬼挖墳
「時間唔早，上床訓喇。」俊華看看時候不早，決定上床就寢，「都唔知點解，近排鬼咁（支力），明明冇乜野做過蕂……」
俊華剛滿18歲，年青力壯，照理應該精神奕奕的。但不知何解，他最近無故感到異常疲累。
俊華上床後，不消一會便睡著了。到了夜半時分，他卻突然起床，但卻沒有醒過來，一直處於昏睡狀態，和夢遊沒有分別。
俊華在毫無意識下更衣，接著外出，在外面整整忙了兩個多小時，才趕及在天亮前歸來。回家後，他直接上床，和衣而睡，直至天亮。
「咦？點解會咁樣架？」
到了早上8時，鬧鐘把俊華吵醒。他看了看自己的狼狽樣子，不禁吃了一驚。
「咦？我明明著睡衣訓架！點解而家換左衫架？而且對鞋仲踩到成腳泥？我到底去左邊度呀？」
俊華感到不安，於是把這件怪事告訴朋友。
「你肯定唔係夢遊病？」俊華的朋友問：「咁……唔通你惹左污糟野？我建議你去死人習作事務所求助。」
俊華聽罷，決定找拿拿淋和CY二人幫忙。
「呢度……就係死人習作事務所？」俊華依著地址去到事務所。
「冇錯，你有事搵我地幫忙？」拿拿淋問俊華。
俊華點點頭，說：「我……我發生左好唔尋常既事，我……」
CY：「唔好咁緊張，坐低至慢慢講𡦃。」
俊華冷靜下來後，將自己的經歷告訴了拿拿淋和CY。
拿：「我地暫時都唔能夠判斷你惹到的乜野。」
CY：「最好由我地留向你身邊，睇下你到左夜晚有咩變化。」
俊華：「咁就勞煩兩位。」
當晚拿拿淋和CY去了俊華家。俊華上床休息後，二人仍在屋內守候。到了凌晨3時，俊華開始出現變化。他和之前一樣，無故起床、更衣和外出。拿拿淋和CY跟隨在後。
俊華出門後，一直步行去墳場。
拿：「去墳場？睇黎真係同靈體有關。」
CY：「最奇怪係我暫時仲未感覺到佢身上帶有陰氣。」
去到墳場，俊華一言不發，跪在地上便用雙手挖泥，挖過一個墓，便開始挖另一個。
拿：「佢搞乜呢？」
CY：「我都唔知。」
拿：「係咪有靈體操縱住佢呀？」
CY：「我答你唔到，墳場陰氣好重，我根本分唔清陰氣係咪黎自佢身上。」
俊華「挖泥」挖了近兩個小時，終於停手，並開始離開墳場回家。
走出墳場外，CY嘗試感應，但一點也感覺不到他身上帶有陰氣。
CY：「唔通俊華惹返既靈體太犀利，已經同佢二合為一，所以我完全感應唔到？」
拿：「事到如今，CY！幫幫手，我想開天眼睇睇。」
CY：「好！」
CY將手搭向拿拿淋，將靈力傳送過去，令拿拿淋產生開天眼既能力。
拿：「點解仍然乜野都睇唔到既？」
CY：「既然同靈體有關，我要睇通佢既前世今生，搵出佢身體發生異變既原因。」
拿拿淋和CY讓俊華回到家，躺在床上後，開始作出行動。
CY將手搵在俊華額頭上：「天地靈光！讓我睇通佢前世今生！」
「看」了一會，CY面色一變。
拿：「睇到乜野呀？」
CY放開搭在俊華身上的手說：「俊華前世原來被人殺死，而且死得好慘。佢臨死前發毒誓，話過來世投胎，長大成人後都唔會俾兇手好過。」
拿：「我明喇！俊華一到18歲成年之後，復仇既『心魔』就醒覺左，自己走左去墳場查佢前世既仇人死左未。」
CY：「如果對方死左，俊華既『心魔』就會心息，否則既話，佢會搵對方報仇。」
拿：「估唔到原來呢件事同靈體無關，而係俊華前生未了結既恩怨。」
後記：拿拿淋和CY為俊華調查佢前生的仇人現況，結果證實那人已死去，而且死前家破人亡，最終被病魔折磨多年才死去，也許這叫做因果循環吧？俊華得悉這真相後，連潛伏著的「心魔」似乎也安息了，從此沒有再在深夜夢遊。
|
唯愛
Ｔhe Ｗings of Ｄevil✖
|
| I-See Forum @ All rights reserved. |
|
|
|
加入我的最愛 | 
設定為首頁 | 
圖片上載
論壇音樂模式 
非音樂模式 
