食奶黃月餅食左幾年，試過唔想去酒店排長龍就去其他酒樓買，點知食落先知中伏，以後都唔敢試。直至同事比我試左呢款新嘅奶黃月，每個月餅上面印有隻雞頭，好可愛。食落口酥脆奶滑，牛油香好重，如果個奶黃係流心仲正。月餅罐入面仲有個飛行棋board game，可以拎去同隔離屋個細路玩。問返同事原來係湘川滬呢間川菜館出嘅，事後即刻去買返盒同屋企人share。