成日都有人睇唔開，走去自尋短見，於是又有人搞ｏ左個「生命天使」夠下世人。原來星座之中，真係有ｏ的人好大機會走死，又有ｏ的人真係生出ｏ黎，鍾意做救世主救下人，邊個打邊個，一睇就知道！

自殺高企指數：

第一位：雙魚座90%
怪只怪雙魚人實在太愛幻想，太感情豐富，好多事未發生就已經俾佢諗到大結局，而結局好多時又會係「羅密歐與茱麗葉式」，即係死得人多格，所以諗埋一邊ｏ既機會比較多，記住放開心情，咁就唔會咁易出事。

第二位：巨蟹座75%
巨蟹人出名情緒化，所以有咩風吹草動，佢都會喊生喊死！其實發洩ｏ既方法都有好多種，好似喊啦，喊晒ｏ的眼淚出ｏ黎可能就會開心好多，再唔係同人傾討心事，都係一個好方法！

第三位：金牛座65%
金牛人雖然出名忍功厲害，但遇到阻折ｏ既時候，好多時就會鑽ｏ左牛角尖，番唔到轉頭，最大鑊仲係你ｏ地有ｏ的自毀ｏ既傾向，玩割脈，見到ｏ的血澎澎聲咁流，你都唔知幾high，不過身邊ｏ既人就駭到半死喇！

第四位：處女座60%
唔敢面對現實係處人常見ｏ既問題，佢ｏ地最鍾意逃避，當睇唔到聽唔到就最開心，但去到佢認為ｏ既盡頭ｏ既時候，好多時就會睇唔開，一死以逃避現實生活中ｏ既所有事，記住，世界咁大，大把ｏ野玩，唔使死ｏ架！




明天會更好指數：

第一位：白羊座 90%
積極樂觀o既白羊人，無論遇到咩挫折都好，都會三分鐘之後唔記得，然後再次積極面對，要打沉白羊人，其實都幾難，因為都無咩可以擊倒佢，除非係佢自己唔振作，否則外面ｏ既ｏ野都唔關佢事。

第二位：雙子座80%
對雙子人ｏ黎講，人生係要有風浪先至似係人生，如果悶戲一場，反而佢會唔知點算，所以面對困境，佢ｏ地ｏ既態度會比較積極，至少試ｏ左錯ｏ左ｏ岩ｏ左都係一個經驗嘛，要佢死，佢會答你，未玩夠，點寫得死？

第三位：水瓶座75%
水瓶人一向充滿理想，雖然佢ｏ地個口唔會點講，但係佢ｏ地永遠覺得社會充滿希望，所以好少水瓶人會諗到死呢樣ｏ野，加上佢個人其實好獨來獨往，無咩可以令佢ｏ地ｏ既情緒去到咁動蕩，所以自殺呢樣ｏ野，無佢份啦！

第四位：山羊座60%
實事求事ｏ既山羊人，相信希望在人間，明天會更好，只要努力，無ｏ野係唔得ｏ既，更加覺得有危先有機，所以有咩事，佢ｏ地都能夠沉著應戰，務求做到最好，呢種人，大家應該視佢為生命偶像啦！



生命天使指數：

第一位：天秤座80%
鍾意做和事佬ｏ既天秤人，最驚見到人唔開心，所以見到身邊ｏ既朋友唔高興，佢會用盡方法開解佢，身為「生命天使」最緊要就係有愛心，以佢咁鍾意世界和平，呢個位最ｏ岩你做！

第二位：人馬座75%
充滿理想同樂觀性格ｏ既人馬人，最緊要係開心，所以有咩事去個旅行咩都唔記得晒！再加上佢ｏ地出名長氣，要佢去開解人，了解人需要，佢真係手到拿來，個人頑石不靈，佢愈係開心，因為佢夠耐性嘛！

第三位：天蠍座70%
講耐性天蠍人數一數二，你要搵個傾訴對象，天蠍人一定係首選，佢ｏ地仲會好細心咁同你分析同開解你ｏ既需要，再加上佢ｏ地個口密，你講ｏ左俾佢知ｏ既ｏ野，佢一定會收埋唔講人知，你話幾好呢！

第四位：獅子座60%
講義氣，獅子人一定係首選，所以有咩唔開心，佢ｏ地幾忙都好，都會抽時間出ｏ黎陪你，咁ｏ既朋友記得錫住！佢好鍾意做好人，又有愛心，所以做「生命天使」，ｏ岩晒佢個Feel！