蔡卓妍（阿Sa）、譚詠麟（阿倫）及陳奕迅（Eason）等歌手前晚出席《明愛暖萬心》籌款晚會。阿Sa拍檔鍾欣桐（阿嬌）因忙於拍戲，由王祖藍暫替阿嬌與阿Sa合演歌舞，阿Sa坦言沒阿嬌在旁感覺怪怪，要一人記下所有台詞，不過她稱讚王祖藍風趣得意。

未聞阿嬌戀上Juno

對於最近有傳Juno成功追求阿嬌，阿Sa表示阿嬌未曾向她提及過，她說：「無聽阿嬌講過，如果有佢實會同我講。（阿嬌近日係唔係同你講小方多？）出面都好信？（你信唔信佢同Juno拍拖？）無聽佢講過，佢熟唔熟我都唔知。（阿嬌同小方抑或同Juno合襯些？）同我最襯。」對於近日自己的緋聞較少，她自嘲是不夠漂亮，並笑言「係啦，點解呢？係唔係要檢討自己。可能大家覺得我無咁靚，通常靚女先多人追。」

司儀曾華倩在節目上問阿倫及Eason的夫妻相處之道，阿倫避談之餘，更反過來拿曾華倩的緋聞擋駕，笑言已說給馬仔聽（曾華倩緋聞男友馬國明），曾華倩則笑言：「佢無講我聽喎。」

此外，Eason感謝阿倫在其女兒出世時，送贈數大箱尿片，非常實用，更獲阿倫教路要多放時間與女兒相處。


遊客無法瀏覽此圖片或下載點，請先註冊或登入會員。