龍：真係架? 你真係同我陪香港? ( 呀龍好開心 )
我：傻佬…我唔同你番香港唔通我去邊呀?
龍：咁幾時番去呀? ( 我係到諗,我要番工番到下個月喎 )
我：um … 諗諗先 !
龍：不如就依兩日啦…好冇? ( 如果我話唔好,呀龍一定好失望 )
我：咁好啦…不過我要番一番工先…
龍：你依半年黎一定好辛苦啦 ! ( 捉住我隻手 )
我：咁我番到香港做少奶奶,等嫁架啦 ! ( 傻笑 )
龍：好呀 ! 王安琪, 你等嫁啦 ! ( 抱起左我 )

我同呀龍食完晏…之後我就留低佢一個人係屋企…
自己去番工…唔知點解有d唔捨得佢既感覺。
行行下已經番到去蛋糕鋪啦…今日做野做得特別開心…
就算唔食d蛋糕…只係望住d蛋糕…我都會覺得好甜好甜…
好快就放工啦…之後我同老闆交代一切…同佢講番埋今日就唔番…
佢好好人…臨走前仲祝我幸福…王安琪…以後會幸福快樂生活落去嗎?

今日唔知點解…我一路行番屋企途中…都覺得有人跟住我…
我時不時望下後面…但係都冇人…開始驚驚地。
之後我番到屋企樓下…專登行去屋企樓下個公園…
我愈行愈快…我知道後面個人愈跟愈貼…我一另轉頭, 見到佢啦 !

我：你唔好走呀 ! ( 知道我見到佢, 所以想走, 我拉實佢 )
DINO：放手… ( 果個人就係DINO )
我：點解…點解? 好多野我都唔明白 !
DINO：你好幸福… ( 冷笑 )
我：嗯…同番呀龍一齊之後…我真係覺得好幸福 ! ( 好誠實咁同佢講 )
DINO：我…我原來唔可以冇左你 ( 佢突然背住我,我見到佢身體不停震 )
我：……… ( 無奈,唔知講咩好 )
DINO：我依兩日特別掛住你… ( 聲都開始變 )
我：對唔住… ( 過去拍下佢背脊 )
DINO：點解…點解我會咁鍾意你… ( 突然跪左係地下喊 )
我：你唔好咁啦…對唔住… ( 好驚 )
DINO：我放低唔到你呀 , 你明唔明呀? ( 不停喊, 我都係第一次見 )
我：我………我好愛呀龍 ! ( 最唔想講果句已經講左出黎 )
DINO： ( 突然間攬住我, 冇出聲不停喊, 我感受到佢既傷心 )
我：( 不停安慰佢 )
DINO：好唔捨得你…好唔捨得放手…好想一直攬實你 ! ( 仲未控制到自己既情緒 )
我：( 我冇推開佢, 只係想比個安全感佢 )
DINO：我會忘記你… ( 佢突然起左身 )
我：嗯? ( 唔知講咩 )
DINO：好後悔識左你依個人… ( 眼淚還是一滴一滴咁流 )

我：我唔知道依家點先補償到比你 ! 但我可以好清楚咁話你知,我好愛呀龍 ( 其實我都好內疚 )
DINO：我唔需要你既補償,我只希望你幸福 !
我：你愈係咁,我愈覺得心痛 !
DINO：你忘記我啦… 我走啦 ! ( 最後一個微笑 )

DINO自己一個走左啦…行下行下…佢見到呀龍…
佢已經扮見唔到呀龍,但.......
龍：可唔可以傾兩句呀? ( 行到DINO面前 )
DINO：嗯…
之後同呀龍就行左去個公園到…
龍：你愛琪琪嗎?
DINO：咁你愛佢嗎?
龍：嗯…好愛好愛 !
DINO：我都好愛佢…
龍：咁你叫我黎台灣搵佢…係咩意思?
DINO：只有你先會比到幸福佢…
龍：讓我?
DINO：唔洗讓…我已經輸左 !
龍：放心…我一定會好好照顧佢 !
DINO：有你依句我就放心…

龍：好多謝你依半年照顧琪琪佢依個大細路…
DINO：本來,以為琪琪跟住我會幸福 ! 依半年佢表面上係開心,但我知道佢一直都好掛住你…
龍：我想知道,佢愛我嗎?
DINO：你覺得呢?
龍：直覺上,佢都愛你…
DINO：佢愛唔愛你,你自己應該最清楚,唔洗我講…
龍：算啦…就算佢愛唔愛我,我都會一直愛佢!
DINO：點解你會同呀喬分手,過黎搵琪琪既?
龍：我只係想陪琪琪,直到我死果一日 !
DINO：其實你番黎係咪有d事?
龍：醫生話我癌病復發… ( 沈默 )
DINO：( 冇出聲,只係望住呀龍 )
龍：哈 ( 冷笑 )
DINO：你會冇事既… ( 拍下呀龍 )
龍：希望啦…我仲想同琪琪白頭到老 !
DINO：琪琪知道左未呀?
龍：未…我都冇諗住同佢講 !
DINO：咁樣唔得架喎…你一定要講架 !
龍：應承我,唔好話佢知,好冇呀?
DINO：點解? ( DINO仲唔明白 )
龍：因為我想琪琪可以開開心心,唔想佢為我既事而擔心…
DINO：直到你死果一日?
龍：我都唔知道…唯有見步行步…我下個星期就會番醫院拎報告 !
DINO：香港?
龍：嗯…我會帶埋琪琪番去!
DINO：咁我交琪琪比你啦…希望你真係可以好好咁對佢!
龍：依一層你放心啦…

呀龍同DINO兩個傾完計之後…我相信佢地個心都舒服左好多!
我：呀龍…你去左邊呀? ( 好擔心既樣 )
龍：我? ( 唔知點講 )
我：唔通我呀?你去左邊呀?
龍：冇呀…只不過落街行下之嘛! ( 微笑 )
我：知唔知我會擔心你架? ( 講野大聲左dd )
龍：好啦好啦…對唔住呀! ( 攬住我 )
我：下次唔好啦! 唔見左你…我真係好怕你又走左去,唔要我!
龍：傻妹…我點會離開你?
我：你已經離開過我好多次!
龍：我保證…以後只會陪住王安琪,我要同佢白頭到老,好冇呀?
我：你話架…我記住 ! ( 傻笑 )
龍：琪琪…我訂左機票啦! 聽日…聽日我地就番香港 !
我：好呀! ( 答得好快 )
龍：你跟住我…你會唔會後悔?
我：你覺得我會唔會後悔呀?
龍：唔會…因為我知道你愛我! ( 攬得我好實 )
我：你知道仲問?傻瓜 ( 甜笑 )
龍：我只係想你講出口,想聽你講 ( 依一刻呀龍好嗲 )
我：跟住你我唔會後悔! 因為我好清楚知道,我係愛你架!
龍：但係…我更愛你!

半年前我帶住傷心離開香港…
估唔到半年後我可以再次聽到呀龍既甜言蜜語。
經過咁多事既發生…我同呀龍再次係番埋一齊…
經過咁多事既發生…我發覺我已經受夠啦!
以後我再唔理其他人,我只係在乎呀龍!
冇人再可以迫我離開呀龍…我會比以前咁自私!
如果再咁大方…我相信呀龍會好快離開我!
我應該要好好咁保護自己…係咪呀?

********香港*********
坐左唔知幾耐飛機…我同呀龍終於番到黎香港啦!
依家已經係夜晚…望住香港既機場! 我自己竟然傻笑左出黎!
龍：你做咩好似個傻婆咁自己係到笑既? ( 呀龍都笑我 )
我：嘿嘿…關你咩事呀?行啦! ( 忍笑 )
龍：知道啦…老婆大人! ( 拖住我隻手行 )
我：我係咪去你屋企呀?
龍：咩我屋企呀? ( 好大反應 )
我：你唔收留我呀/ . \ ?
龍：果個家,係我地兩個 ! 唔止係我一個 !
我：知道啦…老公仔=]

我同呀龍搭的士番到屋企樓下…
好耐冇黎過啦…心情好緊張!
之後我地就上樓啦…一開門!
竟然見到呀喬坐左係梳化到…
佢望下呀龍…再望下呀龍身邊既我!
再望下我同呀龍拖住既手…
慢慢,呀喬變得眼紅紅,傷心既樣。

喬：龍… ( 估唔到呀喬係第一個開口講野,佢過左黎捉住呀龍另外一隻手 )
龍：我番左黎香港啦! ( 講之前,呀龍已經鬆開左呀喬拖佢果隻手 )
喬：嗯…我知道! 咁你會番黎我身邊嗎? ( 完全唔當我有到 )
龍：對唔住,我心裡面只有琪琪一個 ! 我今次帶佢番香港,同佢重新開始!
喬：點解..... ( 眼淚再忍唔住,要流出黎啦 )
龍：今次我對你唔住! ( 呀龍再唔知講咩好 )
喬：琪琪,我可以同你單獨咁傾計嗎?
我：mm ........ ( 望住呀龍 )
龍：有咩同我講啦!
喬：琪琪,可以嗎? ( 冇理到呀龍 )
我：好呀… ( 算啦,反正我點都要面對 )
龍：但係… ( 呀龍捉住我隻手,搖下我 )
我：你落去先好嗎?我同呀喬係到傾下…
喬：放心,我唔會對佢做咩架喎 ! ( 同呀龍講 )
龍：嗯 ( 鍚左我一淡走左 )

喬：你當可憐下我,好冇? ( 跪左係地下 )
我： ( 我即刻拉番呀喬起身 )
喬：好冇呀? ( 眼淚一滴一滴咁滴落我隻手到 )
我：你想我點?
喬：等呀龍番去我身邊 ! ( 係咁喊 )
我：你當可憐下我同呀龍好冇? ( 我都開始眼濕濕 )
喬：我好需要呀龍!
我：我都好需要佢…你知唔知我依半年點過? ( 激動 )
喬：如果冇左呀龍,我比死更難受…
我：我好愛佢,我唔想再一次失去佢,我地兩個係真心相愛架!
喬：但係…我係佢未婚妻! ( 喊得好可憐 )
我：我都係… ( 仲記得上次結唔成婚 )
喬：但我比你早認識佢…求下你,嗚… ( 仲係不停咁喊 )
我：但我知道呀龍係愛我架!
喬：就算佢唔愛我,我都想留住佢!
我：呀喬…你醒下啦!
喬：( 喊住咁開門走左 )

見到呀喬喊得咁厲害…我覺得自己好似做左衰人咁…
我諗呀喬依家既感受同我之前一樣…佢一定好傷心!
但係我知道我唔可以再衰心軟 !
如果再衰心軟…我就要離開呀龍,到時候傷心果個就係我…

呀喬走左之後…我一直係屋企呆。
龍：佢走左啦? ( 番左黎我都唔知道 )
我：係呀…佢走左啦! ( 冇乜心情 )
龍：做咩呀?呀喬同你講咩呀?
我：( 突然攬實佢 )
龍：做咩事呀? ( 好緊張咁問我咩事 )
我：唔知點解覺得好冇安全感… ( 攬得更實 )
龍：傻瓜! 你再用力d攬實我,就會感覺到我既存在架啦…
我：我同呀喬講清楚啦…我覺得自己比以前勇敢!
龍：( 笑 )
我：經過左咁多事,我地終於一齊番,但時間愈過得耐,我就愈怕…
龍：怕咩呀?
我：怕你遲d會覺得同我一齊厭… ( 望住呀龍 )
龍：點解你諗野咁偏激架…
我：因為我愛你,先至會咁… ( 突然好激動 )
龍：知道啦…傻妹 ( 傻笑 )
我：我講真架… ( 好用力捉住呀龍隻手 )
龍：我冇話你講笑呀… ( 笑 )
我：我真係好想永遠同你起埋一齊…永遠都唔分開! ( i 左落呀龍到 )
龍：我地一定會幸福落去…
我：唔好比太多幸福既日子我,因為我怕我會習慣左幸福既日子…
龍：唔比幸福你,唔通比邊個…傻瓜琪你今日好怪…

我都唔知自己咩事…見完呀喬之後我就咁樣…
其實過左咁耐我都係冇變過…
一樣係咁依賴呀龍…


琪琪同呀龍既幸福日子不知不覺已經過左一個星期啦。
今日係呀龍番醫院拎報告既日子…
但佢遲遲都唔肯出門口,因為佢怕會得到個壞消息…

我：你坐係到諗咩呀? 又話今日有d事做既? ( 係佢後面攬實佢 )
龍：係呀… ( 微笑 )
我：咁你仲唔出門口?
龍：唔捨得你呀嗎… ( 鍚左我一啖 )
我：今日凍呀…著住佢! ( 拎左件嬲出黎 )
龍：邊到凍喎… ( 放低左件嬲係梳化 )
我：你唔聽話 ( 嘟嘴 )
龍：好啦好啦,怕左你咩…我走啦,你自己小心d啦…

冇耐呀龍走左啦,話時話,我番左黎香港都成個星期啦…
除左同yoyo電話聯絡之後,都冇見過面…
今日呀龍又唔係屋企,咁我就去搵yoyo啦-V-"

[嘟..嘟..嘟..嘟..嘟]
yoyo：喂… ( 未訓醒既聲 )
我：咩你仲未訓醒呀-V-"
yoyo：痴線架咩-.- 依家至10點幾,你傻架咁早打黎
我：你訓醒未呀-V-"
yoyo：邊個呀你?
我：真係唔知我係邊個?
yoyo：琪琪-３-" ( 好大反應 )
我：死野,快d起身啦…
yoyo：你做咩事咁早起身呀?少可喎…
我：依排慣左早睡早起呀!
yoyo：今日唔洗陪呀龍咩?兩個掛住恩愛得架啦…
我：唔係呀! 今日咪陪你囉…
yoyo：呀龍呢?
我：佢有d野做出左去呀…
yoyo：原來呀龍出左去你先搵我既-o-"

之後我就去左YOYO屋企搵佢啦…一見到佢即刻黎個擁抱-V-"
我：我好掛住你呀 ( 笑得好開心 )
YOYO：haha,我都係呀…你肥左呀!
我：係咩?唔係姐,係你瘦左姐^^
YOYO：唔係架,你真係肥左架…睇下你成隻豬仔咁-O-"
我：邊係wo-_-" 都話你瘦左囉
YOYO：係你肥左先顯得我瘦左咋
LOK：嘩,琪琪你真係肥左成個碼wo ( 呀LOK無啦啦彈左出黎 )
YOYO：拿! 老公都咁話你呀! ( 去左呀LOK到 )
我：呀LOK-_-" 冇見半年,你第一句說話就話我肥左=.=
LOK：嘩 ! 你肥左又靚左wo
我：衰人 ( 一野打落呀LOK到 )

我地之後都係到傾下計,唔傾唔覺,原來我好耐都冇過依d生活啦-_-"
好似好耐都冇試過坐定定,同d朋友一齊笑…
原來只係咁簡單既生活,都足以令一個人覺得滿足。
生存唔求任何野,只求可以擁有簡單既快樂,不是嗎?
**************************************************************************************
醫院 ( 用呀龍身份 )
一步一步走向醫生既房,心裡面不停砰砰,砰砰咁跳......
可能以前我遇到依d事唔會有任何恐懼,但我今次真係驚。
因為我同番琪琪一齊冇耐,我想同佢可以長長久久…
當行到去醫生房門口,我深呼吸一下.... 再敲門
醫：入黎呀…
我：( 坐低左,望住醫生冇出聲 )
醫：你份報告出左啦… ( 望住醫生個樣,我已經打定輸數 )
我：嗯,請你講....
醫：已經係末期啦 ( 嘆氣 )
我：有冇... 驗清楚? ( 我發現自己開始講野唔清楚 )
醫：嗯…
我：冇得醫? 只要有一線機會,我咩都會去做... ( 開始激動上黎 )
醫：已經係末期… ( 重複講一次 )
我：外國呢? ( 企左係身,好大聲問醫生 )
醫：我依家可以話你知係,你仲有三個月命

聽完依句之後,我已經唔想再講野啦,因為再諗唔到咩野可以講...
自己慢慢行出依間房,離開依間醫院 ...
行到門口,竟然見到DINO,我望住佢,忍唔住,眼淚都流出黎啦…
真係從未試過有依種感覺…
DINO：龍 ( DINO見到我咁,我諗佢都知道結果係點 )
我：( 我跪左係地下,大喊左出黎,發覺,我撐唔到落去啦 )

DINO：( DINO行左黎我身邊,伸左隻手出黎 )
我：( 望住DINO,眼淚還是不停流 )
DINO：我唔知道依家應該講咩好,但係...你要堅強落去!
我：( 之後我就起左身 )

我行左去一個公園到坐低左,DINO都跟住係我後面…
我：我.... 得番三個月命 ! ( 沉默中 )
DINO：( 無言中 )
我：點解,個天要咁對我 ?
DINO：好多野,都注定左...
我：我唔想死,我唔想離開琪琪...
DINO：你真係唔打算同琪琪講?
我：我唔知道,我依家真係唔知點做好!
DINO：到左死果日都唔同琪琪講?
我：( 聽到依句之後,我就係唔知可以再講咩 )
DINO：依段時間你要好好珍惜,珍惜同琪琪一齊既日子!
我：應承我,暫時唔好同琪琪講住好嗎?
DINO：但係.......
我：應承我,我唔想見到琪琪為我傷心既樣,好嗎?
DINO：嗯.....

同DINO足足係公園坐左好耐,我唔想番去,因為我唔識面對眼前既琪琪,
不知不覺己見天黑啦,電話終於響起.....

琪：龍,你係邊呀?
我：我依家番黎啦… ( 我忍住,要同平時既一樣 )
琪：我依家係YOYO屋企呀!
我：我今日好累呀…
琪：咁好啦,我都走啦! 我依家番屋企等你呀!

同琪琪收左線之後,我同DINO講話走之後,就自己搭車番屋企...
依家既我,真係覺得好無助…平時有咩事,琪琪總會係我身邊支持我...
但係今次我唔可以比琪琪知道,絕對唔可以 !
番到屋企門口啦,心情仲係未平復,我既淚水還是想繼續流...
但係,我要忍住,唔可以比琪琪知道 ! 呀龍,撐落去吧!

琪：呀龍,我今日好開心呀… ( 我一入到屋,琪琪就即刻衝黎攬實我 )
我：開心咪好囉 ( 我好努力咁扮冇事 )
琪：你今日成日去左邊呀? ( 好嗲咁問我 )
我：冇呀…去搵朋友之嘛 !
琪：你係咪出面收埋左第二個女人 !
我：傻瓜,你覺得呢?
琪：haha,我都係講下笑之嘛…
我：你呀…唔好咁依賴我呀 ! 知嗎? 要學識獨立
琪：唔制…我就係鍾意依賴你 ! ( 攬實我 )
我：( 我冇再出口啦,聽到琪琪咁講,我就係覺得個心好痛 )
琪：做咩唔出聲呀?
我：如果我遲d唔係你身邊,你要好好照顧自己,知嗎?
琪：你點會唔係我身邊姐? ( 望住我 )
我：( 無言 )
琪：你係咪又唔要我啦? ( 嘟嘴 )
我：傻瓜 ! 我點會唔要你呀… ( 開始我眼濕濕啦 )
琪：咁咪係囉,我要同你,永永遠遠咁起埋一齊,唔再分開!
我：( 依一刻唔知點解控制唔到自己,流左滴眼淚 )
琪：你做咩呀? ( 用手幫我抹眼淚 )
我：開心丫嗎^^ ( 又笑番出黎 )
琪：仲之,你唔可以再離開我,如果你再離開我,我就嬲死你…

呀龍同DINO都一直保守住呢個秘密
好快,就過左2個幾月
呀龍佢過左呢一生人當中
最快樂既時刻
佢亦都睇化晒,等住死神既來臨
今日,佢想約琪琪出黎,同佢分手
然後隱閉咁死係一個冇人知既地方

呀龍：琪琪,我有d野想同你講呀！
琪琪：講啦！
呀龍：多謝你！我過左人生裡面最開心、快樂既時刻,但係我再冇能力去保護你,我地....................

依個時候,呀龍既電話響起

呀龍：喂？
醫生：呀龍！你冇事啦！冇事啦！
呀龍：下？咩呀？
醫生：咪個醫生囉！果個假醫生係流嫁..............總之你冇事啦！(下刪100字)
呀龍：唔該晒！唔該醫生！
琪琪：你.......你頭先想講咩呀？咩醫生呀？(好驚呀龍有事)
呀龍：我？我頭先講咩呀？冇呀？
琪琪：咩醫生呀？快d講啦！你係咪有咩事呀？(擔心中)
呀龍：冇！醫生話我身體健康！想頒個好市民獎比我！(開心過頭)
琪琪：你有冇事呀？(摸下佢額頭)
呀龍：冇事冇事！老虎都打得死呀！
琪琪：唔準你打老虎禁危險呀！
呀龍：我愛你！老婆！
琪琪：我都係！(錫錫)

從此佢地就好幸福咁生活落去...................



end ... [ 我 覺 得 有 少 少 無 奈 ]`