何韻詩將於10月在紅館開騷，由於10月10日是梅姐生忌，故阿詩當晚會有特別儀式悼念師傅，她更稱梅姐是其心中的「Hero」。

　　何韻詩將於10月9日至11日於紅館舉行《何韻詩2009演唱會-SUPERGOO》，為隆重其事，唱片公司昨日安排阿詩乘坐遊艇到場，身穿黑色閃石短裙的阿詩，腳踏4吋高靴，於兩猛男陪伴下登岸，席間更有銀樂隊奏樂。隨後在記者會上，阿詩除獲客戶送上手表等禮物外，一眾歌迷更送上女超人衫給阿詩，整個記招花了6位數字。

　　在個唱舉行期間，碰巧10月10日是阿詩師傅梅艷芳的生忌，而今次個唱主題是Super Hero，而師傅亦是她心中的Hero，阿詩說：「暫時不想講太多，當日會有一個比較特別的儀式進行，今次主題是超人，我生命中第一個英雄就是師傅。今次有個訊息想帶給大家，現在人心惶惶的時候，希望發放一些正能量，生命中師傅影響我好多，令我變得積極。」

　　阿姐華仔是英雄

　　問到10月10日哪晚是否會唱師傅的歌？「仍諗緊，或者有特別嘢搞，之前未試過嘅，當日門票已爆，往年師傅生忌我會靜靜地過，今次可以和大班人過，好有意思，所以我會珍惜。」

　　阿詩又透露今次找來張叔平設計服飾，希望有點新鮮感，問到服飾是否好性感？「女超人多數要打扮得好『行』，好似甚麼神奇女俠咁，平時收收埋埋，多數是演唱會時一次過送給大家。（妳要豐胸？）胸不需要豐，自然就得。」至於嘉賓方面，阿詩仍未決定，「樂壇有好多英雄人物及超人，好似汪阿姐及華仔，都會向前輩埋手。」問到會否請好友容祖兒觀看？「叫她一定要來睇，因為她未睇過我演唱會，有陣時撞期，她已應承來看。（睇10日個場？）她好似想看這場。」阿詩表示今次個唱已超支，笑言請阿叔（張叔平）已很貴。