對我尼講呢
愛一個人係冇限付出既
姐係就算為左佢連命都唔要都得
咁既然你話你好愛好愛佢
點解唔肯愛埋佢個bb呢

係
個bb唔係你既
但係當你接受左個bb
就會覺得個bb好可愛
到時就唔會覺得個bb係你一個負擔
你接受左個bb
個女仔都會好感激你
覺得你係個好人
好愛你

不如咁講啦
好多爸爸媽咪既bb都係領養番尼既
明知個bb唔係佢地親生
但係點解佢地要養個bb呢
係因為佢地覺得每個生命既出生
都有佢地出現既原因
點解要佢地一出世就要面對冇人錫
冇人愛
冇人中意呢
你會咁狠心咩

如果你話你唔想佢要個bb
我覺得真係真係好唔人道
都係果句
每個生命既出生
都有佢地出現既原因

我先前學校聽過個講座
好多人都係因為有左bb
但係唔想要佢地走去落左佢
佢地係醫院見到個bb俾人整到散晒
好可憐好心痛
睇果個都覺
一個連手掌都未夠大既bb
尼左衣個世界唔係好耐既bb
好想睇到衣個世界係點既bb
就係因為d人既一個決定
咁就俾人搞到散晒

就算真係要落
個媽媽都會覺得痛
你忍心咩
講座果度話
好多落左bb既人都會好驚小朋友
每次係電視見到d有bb既廣告都會喊
係街度見到小朋友都係兜路
你想個女仔變到咁咩

就算你唔中意個bb
你都要接受佢
你唔想接受佢
就姐係你未夠愛個女仔
你唔可以包容個女仔所有野
所以先會覺得個bb唔關你事

如果你真係愛佢既
就算佢有d咩做錯
有d咩對你唔住
有d咩令到你唔開心
你都會原諒佢同埋包容你

咁唔知你而家點諗呢
但係我真係真係唔支持落左個bb佢囉
關於佢屋佐人
就直接同佢地講真話
佢地會因為你肯照顧個女仔而覺得你好
對邊個都有好處
一尼可以保護個女仔
二尼個女仔會好愛你
三尼佢屋企人一定會對你有好感

就係咁多喇
不過點都好啦
此終最後既決定都係你度
今次你而個情況我唔會俾好多既選擇你
但係都唔會逼你
雖然我唔識你
但係真係真係唔好俾個女仔落左個bb佢