笑騎騎　－　放毒蛇(笑裡藏刀也。)
知少少　－　扮代表(貪功認叻。)
牙斬斬　－　死得慘(禍從口出。)
周身郁　－　扮忙碌(郁者，動也；講多過做。)
眼濕濕　－　扮憂鬱(貓哭老鼠。)
嘴藐藐　－　打得少(口花花，撩是鬥非。)
靜雞雞　－　認低威(衰衰地＊低，認錯也。)
有早知　－　冇乞兒(世事難料。)
有早知   一   無ｂｂ(早知唔要。)
擔凳仔   －　霸頭位(驚死執輸。)
好好好　－　睇唔到(敷衍了事。)
繞埋手　－　晨早走(練精學懶。)
有得振　－　冇得0訓(大禍臨頭。振，顫抖也。)
搞搞振　－　冇幫襯(搞事破壞份子。)
側側膊　－　唔多覺(得過且過，求求其其。)
搏大霧　－　唔使做(使讀作洗；混水摸魚。)
包二奶　－　實聽拉(香港人回大陸偷情十分危險。)
有姿勢　－　冇實際(虛有其表。)
手頭緊　－　搵真銀(勤力搵錢。)
淡淡定　－　有錢剩(凡事處變不驚；剩，音「靜」。)
慌失失　－　害街坊(小不忍則亂大謀。)
有得賭　－　精神好(爛賭之輩。)
三缺一　－　慘過乞(麻雀術語。)
時運高　－　搏番鋪(掌握時機。)
隨口up　－　當祕笈(語不驚人誓不休。)
面懵懵　－　當老馮(老馮，意謂奉旨也。)
細細兜　－　容易媾(初出茅廬少女，容易被騙，追求異性也。)
女人心　－　海底針(女人善變。)
面撞面　－　好面善(似曾相識。)
頭0岳0岳－　四圍度(無聊發悶。)
爛撻撻　－　唔負責(無恥之徒。)
冇晒計　－　發Long禮(意思不按常理做事，全句是趕狗入窮巷也。)
頻頻撲　－　冇聯絡(貴人善忘。)
咁人齊　－　等發圍(同心協力。)
趁佢病　－　囉佢命(趕盡殺絕。)
出黎威 －　識搶咪(要懂得爭取機會。)
唔想衰　－　埋大堆(圍結就是力量。)
有異性　－　無人性(見色忘義。)
有殺錯　－　冇放過(寧枉莫縱也。)
聽唔明　－　扮純情(裝模作樣。)
懶癡纏　－　博可憐(做戲咁做。)
眼光光　－　等天光(失眠，滿懷心事。)
印印腳　－　等人約(無所事事。)
斷乜估　－　冇痛苦(難得糊塗。)
人工高　－　冇祕撈(祕撈，祕密地去做兼職也。)
唔夠班　－　執二攤(未夠斤兩。)
跟老頂　－　有得醒(老頂，大哥大之輩；醒，有好處是也。)
著草鞋　－　有排捱(著草，是黑語，即走路、遲難之意。)
走得快　－　好世界(童年時順口溜。)
走得摩　－　冇鼻哥(走得慢者，沒好下場。)
有Background　－　冇困難(Background，人事背景也。)
密響Call　 －　冇甩拖(將勤補拙。)
十十0下 －　拉頭馬(十十0下，「十」即「霎」，香港人極為
抵死之用語。意指一個人「霎」0下「霎」0下，表示一個人渾渾
噩噩，此句意，傻人有傻福，胡里胡塗，無     端端發財。)

唔夠皮　－　無面俾(皮，即「皮費」，經營開支洗費。唔夠錢
用時，甚麼人也不賣帳。)

冇啦啦　－　整笪疤(笪的正寫應該是「＊」；「疤」讀「啦」音。)
手頭緊　－　賣白粉(狗急跳牆，不擇手段，不理後果。)
吹吹水　－　唔抹嘴(吹水，口沫橫飛，愛吹牛皮。)
唔用腦　－　等運到(批評那些靠好彩不靠辛勤努力之輩。)
癲癲地　－　唔識死(不知天高地厚。)
過大海　－　博好彩(大海，指澳門，香港人假期喜歡到澳門賭場
搏殺。)

口水多　－　無尿屙(指喜歡發表偉論的人，香港俗語有云：口水
多過茶，口水多到連尿也沒有，厲害可想而知。)

四圍酒　－　鬥疊友(疊友，墨幫背語。指人強馬壯。)
褲頭鬆　－　搏街鐘(街鐘，歡場術語，客人帶小姐外出為街鐘，
小姐要有街鐘，多賺錢，那麼就不能惜身如玉。)

出黎混 －　無責任(指吊兒郎噹，不負責任之人。)
賣大包　－　任人抄(不計較得失。)

哇..好多下啵-口-
丁揭後語好GAG牙

哈-V-
有D成日講
有D真係未聽過
有D好唔順口

@口@好多喎><
我only知得幾個炸..

搏大霧　－　唔使做

我成日

超讚！！！很厲害的歇後語！！！

嘴藐藐　－　打得少(口花花，撩是鬥非。)

呢個幾好=]